 |
| 小型犬配方,10-15KG每日飲一罐！ 佢地3隻加埋剛好5KG, 咁每日夾埋飲半罐啱啱好！ |
今年年頭, 同A一齊行寵物展, 見到有介紹寵物人參雞湯, 我哋都買咗兩罐番嚟, 比D豬仔試吓!
呢款湯係CAU獸醫診所李恆年醫生同百補寵物中藥坊劉克家醫師一同研制, 我就比較放心, 上次開咗比3隻豬仔飲, 佢哋超鍾意, 不過飲完我又無特別留意, 由得佢不了了之 :)
 |
| TCM Traditional Chinese Medicine |
最近睇脫毛症case, 睇到美國有狗狗Frodo有脫毛症, 佢有用薑黃素呢隻補充品，然後幾經轉節最後去咗加洲睇中醫, 醫生話狗狗肝血不足, 所以有甩毛症狀, 雖然Frodo有做過正規血檢, 肝臟係無問題, 但中醫師話呢種肝血不流暢, 驗血係睇唔到嘅, 佢治療辦法係同狗狗補肝!
http://www.tigertailfoods.com/health-matters-nov-10.php
奇蹟地狗狗情況真係好轉, 毛毛生得唔錯, 我有同H醫生講過呢個例子, 可惜我哋唔知佢提及嘅"Bu Gang Tan"究竟係乜嘢中藥材, 我花咗好多時間真係無晒辦法！
後來回心一想，就算我知呢隻係乜嘢藥, 都唔敢亂比達達豬試啦, 一隻藥用嘅份量多少係好關鍵問題, 可以幫佢同樣都可以殺咗佢, 不如諗吓點可以安全咁補吓肝啦!
於是就記起呢隻藥膳, 反正天氣寒冷, 都適合進補:) 李恆年醫生講過即使有食西藥都唔怕衝撞, 仲可以強壯身體, 令病況加快痊瘉添; 我會安全咁同西藥隔開長D時間, 咁應該無問題!
波波細時個肝唔好, 豆豆又比較怕凍, 加上達達個甩毛症, 啱晒佢哋一齊品嘗; 今日我訂咗強肝膳方番嚟喇!
無所謂啦作為食補, 唔長毛起碼都可以飲啖靚湯啦!
強肝膳方
選配人參、靈芝、黨參、黃柏、蒲公英及雞肉烹調製成 ,針對由於老化、中毒及感染引起的肝功能衰竭或不足 ,強肝膳方為配合治療的最佳營養 ,可促進療效.
 |
| 睇到呢張相你哋會話”駛唔駛咁緊張呀？” |
 |
| 就住角度去影佢好似無出好大問題 :) |
 |
| 但真實情況已經去到咁喇 :'( |
 |
| 我好難乜都唔做望住佢甩清光啦！ |
 |
| 都要盡努力嘗試幫忙嘛！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
