 |
| 沖完涼戴番口水肩, 等食午餐 |
今日又要同達達沖涼, 依家每星期要沖一次, 好彩天氣唔凍!
同任何護膚品一樣, 要吸收得最好, 都係建議沖完涼當皮膚仲有水份就立刻搽上, 今日我就係咁做; 但搽完達達某D部位, 例如條頸仔週圍, 發覺佢皮膚好紅, 我好驚呀! 如果咁傷咗皮膚受到感染, 咁點算, 我都唔敢去睇H醫生啦, 實比佢鬧死!
好彩過咗一段短時間, 佢皮膚正常番, 唔知係咪嗰時血氣運行緊呢, 平時毛毛唔濕有D遮住, 我無咁留意!
見到咁我唔敢一日三次搽呢D部位喇, 集中搽落佢已黑咗既皮膚好喇!
做人真係矛盾, 如果搽咗好似無搽咁, 全無反應, 又覺得無用; 有少少反應唔同, 又驚, 真係自己都唔知自己點諗, 有D亂晒龍 :(
網友G唔建議我等所有現行療程完咗先開始用lasercomb! 佢都講得有道理嘅, 如果等咁耐, 萬一毛囊已壞死, 咁用咩都救唔番!
我知道有狗狗用紅光治療骨刺, 又見有post狗狗用藍光加速生毛, 呢隻梳係紅藍光, 應該達達都可以試用.
一星期用一次, 由短時間小範圍開始, 先做黑咗嘅皮膚, 睇吓反應先, 慢慢試,希望唔會敏感又唔會太刺激達達嘅皮膚啦, 再慢慢加到正常做10分鐘, 咁會安全D!
好啦, 依家就開始試!
Emu Oil就繼續用, 希望有理想效果啦!
LaserComb by TLC Laser Therapy
激光梳主要特點低功率激光炤射具有促進微循環，改善血液供應，活血化淤等作用，以廣汎應用於皮膚護理、促進傷口癒郃、促進毛髮再生等方麵。
本產品綜郃了低功率激光、磁療和機械振動按摩的功能，在使用者梳頭的過程中，低功率激光直接作用於頭部皮膚，同時結郃磁療及機械振動按摩，從而促進血液循環，改善毛髮髮質，增進頭部健康。
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
