見到天氣回暖, 趕緊同3隻豬沖番個涼先!
同波波沖涼, 我都係用隻草本沐浴露sore no more, 波波對呢隻產品好受落, 經過幾次反覆試驗, 明顯見到係有唔同;之前波波沖涼佢會全程喺度震, 無論天熱天冷我一向都做足準備, 佢係無可能凍親; 情況就如同佢去睇獸醫咁, 一入診所門口就開始震騰騰!
自從用咗呢隻shampoo, 佢真係無再震, 亦肯好乖咁坐低比我慢慢同佢按摩, 再唔駛好似以前咁要捉到佢實, 怕佢跳起會整親!
同樣豆b都用同一隻產品, 但同用其他shampoo又無明顯分別, 不過豆b皮膚比較敏感, 試過用yu首烏配方佢出晒紅疹, 呢隻草本對佢無乜特別, 但又無壞反應, 咁都叫做ok啦！
達達豬繼續用DERMagic跟住再敷扶養泥, 佢皮膚同毛髮都非常乾燥喇, 希望敷咗皮膚會較滋潤啦!
同達達沖涼一向都無難度嘅, 呢隻豬仔雖然較容易情緒波動, 但同佢做清潔又無一次會唔成功; 佢一定係一隻貪靚豬, 鍾意有整潔嘅儀容:)
每隻豬仔對每個產品接受程度都唔一樣, 從佢哋對唔同產品嘅反應, 我有一個領悟, 今後唔會話任何產品無用, 只係未符合到不同要求; 個別產品對某狗狗好大幫助, 可能對你嘅狗狗係零反應, 對不同接受程度,要因應情況去作調整, 要考慮嘅真係好多, 從沐浴露到補充品, 真係隻隻都唔同, 養一隻狗狗要顧及嘅又豈係單止食糧咁簡單！
有時去買佢哋嘅日用品, 店員都會叫我買大枝裝, 因為我有3隻豬嘛; 合用嘅當然抵D啦, 可惜唔係每樣都得架, 唔係就慳番好多啦, 哈哈哈......
沖完涼放佢哋上床影番張相, 咁佢哋就各自搵地方覺覺豬喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
