 |
| 希望呢隻強肝膳坊幫到達達 |
Wahaha! 我真係好蠢呀!!!!
連日來都上網猛咁搵, 究竟美國松松Frodo食嗰隻中藥"BU GANG TAN"係乜冬冬呢? 一路都朝住呢個方向, 喺一堆中藥材裏面去搜尋呢個藥名, 但搵咗好耐, 都係徒勞無功!
 |
| 真係唔知點解, 甩毛多咗佢就唔會笑, 上次都係一樣?? |
今日朋友V send比我好多圖片, 都係一堆堆中藥材, 原來"BU GANG TAN"唔係一隻中藥, 係好多中藥材集合埋嘅一條藥方, 到今時今日我先靈光一閃, "BU GANG TAN"用國語來唸, 原來係"補肝湯"!!!!!
真係個腦少咗條筋, 完全無諗過呢個方向, 一味就猛搵單一隻藥!
咁又真係誤打誤撞都比我走對咗方向, 諗住都係朝住補肝呢條路去行, 訂購咗補肝湯; 唔通上天有意比我幫忙, 喺未搵到"BU GANG TAN"係乜嘢藥都引領我走呢個方向, 比達達豬飲補肝湯?
 |
| 呢隻湯味道好香架! |
多謝V解答咗我嘅疑問, 我真係好開心, 依家我又再充滿希望喇; 我諗人生就係靠一個一個嘅希望延續落去, 希望我可以keep住呢個鍥而不捨嘅精神, 永遠心存希望 !!!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
