上次都用咗我唔少時間去執架; 點知琴日朋友又話我聽, 又睇唔到相喇; 點解fb成日改架, 真係攞命, 又要從頭攪過? 唔係咁好玩嗟 :(
從今唔再將D相 link to FB喇, 咁攪法真係好似做緊個耐力鍛練, 就好似以前訓練耐性, 將混合咗嘅紅綠豆揀好再分開番!
好!! 我又從頭嚟過, 對待一D人力可以解決到嘅事,從來我都唔會就咁認命, 一定難唔到我!
今日天氣好好又唔凍, 同3隻豬落去行咗一轉, 番嚟開始煮曚曚 :)
多謝V send比我嘅餐單, 係可以清肝毒嘅食物, 睇落好簡單易做, 今日叫工人姐姐買齊材料, 我要立刻實行.
每星期都有一日我唔餵肉嘅, 等佢哋身體排毒, 所以今次只用咗蛋, 之後可以用雞同魚, 一星期都可以食3餐, 其餘時間都想比番不同肉類同脫水菜糧!
一於雙管齊下, 一方面強肝,一方面清肝毒, 希望效果良好, 達達毛毛可以生得番啦 :)
 |
Link: Dr. Dodds' Liver Cleansing Diet |
 |
| 灑上香料迷迭香! |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
