琴日同達達豬沖番個涼, 費事D毛毛黐笠笠, 因為今日要同佢去街街!
今日一早起身, 同佢著番條靚裙仔, 靚晒:)
跟住拎個袋出嚟,佢好開心咁兩頭跳, 如果佢知係要去見H醫生, 又要抽血驗.......
今日主要係check吓加咗甲狀腺藥對佢嘅影響, 雖然希望加重少少藥量有助佢生毛, 但都係健康最緊要, 唔可以盲目咁追求目標!
同隻豬女驗血少不了一場角力, 每次見到佢咁抗拒都好心酸; 喺等報告其間, 都同H醫生攞個意見, 最後有共識再過多兩個月, 如果褪黑激素再幫唔到, 就決定停咗呢個治療!
等到出報告喇, 達達加藥後都係within正常水平內, 正常水平係1.6 - 5, 過去達達都係2 - 3之間, 今次就去到4.8, 正常但靠偏高位, 呢個係我哋想要嘅結果, 睇吓對佢生毛有無幫助啦!
H醫生拎咗本書比我睇, 要谷毛可以試調高甲狀腺素, 話理想係4 - 7之間, 但我哋都唔想為咗谷毛超出正常水平內, 始終都會加重佢心臟嘅負擔; 就嘗試呢個劑量, 睇吓對達達有無正面影響啦, 我會監察住佢有無特別變化, 等三個月然後再作決定行邊個方案!
H醫生提起補肝湯, 話唔知應該比幾多份量, 叫我自己睇住, 少量就無妨; 都無晒辦法, 西方醫術對呢個狀況經過咁耐研究, 都係搵唔到正方:(
無正規藥物治療, 靠偏方就好睇個別情況, 依家外國對脫毛症都崇尚Natural and holistic treatments, 試用溫和嘅草藥, 總比用harsh chemicals 來得安全!
唯有自己去搵料亂碰亂撞; 咁當然都唔可以亂嚟, 首要當然係顧及健康啦!
補肝湯會keep住一星期比兩次, 其他補充品都係繼續食多幾個月, 外用繼續用Emu Oil同佢按摩, 再睇情況先再作改變啦!
 |
| 著住條靚裙仔, Elegent Lady :) |
 |
| 見到個袋開心到跑來跑去! |
 |
| 入咗袋好乖坐定定 |
 |
| 一陣就會破壞晒美好嘅心情 |
