 |
| 相片連結： Christmas 2012 (2) |
今日工人姐姐放假, 反正唔會出去, 喺屋企同佢哋再影多次聖誕相; 達達喺屋企較為放鬆, 都肯笑吓啦!
睇見達達嘅相, 毛髮越見稀疏喇, 內心好掙扎, 究竟好唔好剪光晒佢, 剪阿boo裝呢? 可能剪咗會較為整齊可愛嘅, 但天氣開始寒冷, 就算著衫都唔及得上自己嘅毛毛吧; 雖然依家佢毛毛係疏疏落落, 但比起做隻光豬仔, 都仲係有偏差, 咁又猶豫起嚟!
算啦, 冷親仲死, 唔可以愛靚唔愛命啦, 都係過咗冬天再算喇; 不過見到D相, 點解達達個頭變咗四四方方架, 我又無剪過佢嘅毛毛, 真係唔明點解? 一陣同佢修修個角啦, 依家我唔係好敢同佢剪喇, 怕越剪越唔妥, 無晒毛毛第日想搵剪毛姐姐救亡都唔得啦 :P
朋友話我庸人自擾, 養隻狗狗甩毛都咁大壓力, 又唔係健康出問題!
我唔係唔想睇得開, 但一望到佢好似透視裝咁, 見到晒瘦瘦嘅輪廓, 個心就好唔舒服.......
反正點講都改變唔到事實, 應做嘅繼續去做, 其他交比個天啦!
 |
| 依家雖然毛髮疏落，但真係未捨得同佢剪到隻光豬仔咁樣 :) |
 |
| 達達豬, 加把勁啦, 波波會陪住你打呢場仗架, 加油啦!!! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
