一整日都睇住張時間表, 好有規律咁餵達達, 唔想食嘅補充品有衝撞, 都係隔開少少較安全; 每日早午晚3次同佢搽Emu Oil, 輕輕按摩吓, 跟住就催眠自己, 唔再睇佢毛毛有幾差; 我希望呢個只係過渡期, 會絕處逢生架!
今日工人姐姐睇見我剪短咗達達背脊D毛, 喺度驚叫, 話見到晒佢皮膚嘅黑色素沉澱!佢猛咁搖頭, 猛話佢醜樣, 仲要拎達達以前嘅相比我做個對比, 話唔同晒以前; 我真係好唔開心, 覺得佢好討厭, 我每日都觀察住隻豬嘅變化, 有咩改變我都一目了然, BSD就係咁啦, 無得倖免, 依家我咁努力去幫佢, 都係希望情況有易轉嗟!
呢個工人姐姐真係無腦架, 我都話咗我知道, 唔好再比較從前, 佢仲要比好多comment, 攪到我心煩意亂, 我有嘅滿腔希望, 都比佢打到沉船:(
達達嘅黑皮膚, 你估我唔知, 你估我唔見咩, BSD最終都要走到呢個階段, 我知道又可以點? 抱咗達達入房, 唔想再見到佢面喇!!!!
由得佢講啦, 反正無好說話, 想當日老公要入院做手術, 佢都同我講佢有朋友做同樣嘅手術歸西啦; 唔怕唔怕, 等我同自己打打氣, 就當佢狗口長不出象牙無句好話, 佢講嘅同事實一定相反啦!!!!!!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
