 |
| 相片連結 |
又到聖誕, 又到聖誕!!
今日工人姐姐放假, 我簡單咁佈置一吓, 又同佢哋影相, 同佢哋訂咗靚靚嘅聖誕cupcake嘛：）
依家狗狗真係比以前幸福好多, 地位真係提高咗喇, 越嚟越多寵物時裝, 仲有好多相關嘅服務, 當然狗餅店都比以前多咗好多啦!
今年都有好多不同狗狗餅店有聖誕特賣, 我可以慢慢揀, 最後都係揀番去年做聖誕特賣嘅餅店!
我揀呢間餅店嘅原因, 其實好簡單, 因為我3隻豬好懶! 嗰D風乾肉, 餅乾等等咁硬, 佢哋無興趣去慢慢咬!
今年我揀咗3款cupcake, 呢間餅店一直都做得唔錯嘅, 有菠菜茸, 蕃薯茸, 南瓜茸等等用料, 再加上軟軟嘅蛋糕, 佢哋食就唔會好難!
呢幾隻豬真係好麻煩, 比我哋縱壞晒, 因為唔敢比太多肉類小食, 轉比蔬菜餅, 達達聞吓就走, 波波都間中食吓, 只有豆b乜都啱!
其實3隻豬都祗鍾意食肉類小食, 但要freeze dried嗰D先ok呀, 風乾嗰D太硬都唔啱!
唯有買番少少salmon, 間中比少少佢哋啦; 仲有達達, 唔駛乜都無得食咁慘!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
