New Year Eve, 好似無琴日咁凍, 有陽光, 天氣好好, 但對我無正面嘅影響!
養一隻狗狗, 由好差嘅狀態養到肥肥白白, 嗰份成功感覺係幾咁自豪, 相反越養越差, 好失落!
每一日都見達達少咗毛毛, 真係唔好講睇一個月前, 就睇一日前都唔同咗, 可以點算?
我無自責對達達照顧不週, 佢無食得唔好, 就係咁一件無頭公案先折磨人; 好似波波, BUN高就將肉類調教, 好快就好番, 但達達豬到底咩事呀?
今日見到阿BOO呢張相, 個腦立刻諗到呢個係波波同達達嘅寫照, 好快呢一日會到嚟, 佢哋都會影咁嘅相, 好悲哀 :'(
我好憎自己唔可以咁豁達, 點解個個都覺得阿BOO咁可愛, 我唔可以接受落嚟, 呢個事實無得逃避, 但我真係越諗越down, 唔想再諗落去!
三番四次想同達達剪阿BOO裝, 但總係唔狠得下心腸, 好驚叫姐姐大剪一揮, 喊都無謂 :)
又驚剪短晒無咗保護, 著住衫磨嚟磨去好麻煩, 佢依家郁兩郁條頸都紅晒, 再剪咪連胸口都磨損埋?! 依家佢皮膚好敏感, 我要用條真絲小頸巾圍住佢條頸仔, 怕咗佢喇!
我要做嘅都只係盡量做, 都知成功好渺茫, 呻埋呢個2012年嘅最後一日, 要釋放晒D負面情緒!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
