 |
| 3隻豬瞓得好舒服呀 :) |
其實一向都唔鍾意同狗狗著衫, 但今年竟然買咗好多衫仔, 鬼叫呢幾隻豬仔都係怕凍鬼 :(
達達當然唔可以唔著衫喇, 佢唔係天生短毛種, 無咗毛毛保護, 一來怕佢會凍, 二來都要保護佢嘅皮膚, 睇見佢鼻仔常流鼻水, 真係無晒計喇, 又唔想再加添更多補充劑:(
等多兩個月啦, 如果褪黑激素真係再無作用, 停咗後就加紫錐花比佢, 都係一樣一樣咁試, 唔好太多嘢逼埋一齊; 好彩呢隻豬女並唔抗拒著衫, 唔係就麻煩喇, 因為依家搽咗Emu Oil, 仲要著多件薄薄嘅cotton衫仔打底 :(
豆b呢隻豬係超怕凍, 一到冬天佢唔會離開張電暖墊, 好自動咁瞓上嚟; 真係講都無人信, 開咗暖爐唔著衫佢都會凍到騰騰震, 枉費佢有一身厚厚嘅毛毛, 舊年冬天佢都掛住副病樣, 我真係唔想再凍親佢!
波波就好怕著衫仔, 一著咗衫好似綁手綁腳咁, 佢超唔開心;
其實我都唔鍾意佢著衫嘅, 明明買咗同款嘅冷衫比佢, 但一尿尿就濕晒前面, 買咗都唔著得 :(
吸取咗舊年嘅經驗, 我唔想再冷親佢喇; 舊年我就係唔信喺室內開住暖爐都會凍, 無同佢著衫, 點知佢同豆b都冷病, 呢隻仔仲嚇到我死, 要Dr.T唔係診症時間都騰空睇佢, 怕佢變肺炎; 今年我怕怕喇, 都係做足準備, 可能佢哋體型細小, 係特別怕凍D啦!
3隻豬食飽就瞓, 好似冬眠咁; 琴日達達豬喺診所磅豬仔, 都重咗DD喇; 無所謂啦, 冬天需要多D熱量保暖, 唔過份由得佢哋啦, 等回暖再減好喇:)
 |
| 波波一定上我床瞓啦, 佢由BB都習慣晒! |
 |
| 如果無咗張電暖墊, 豆b真係唔知點算啦 :) |
 |
| 達達豬平時唔鍾意瞓床仔嘅, 但冬天佢又會瞓上嚟 :) |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
