 |
| 做少少effect無咁覺毛毛甩得咁慘! |
已經比達達食咗20日神奇粉, 補肝湯都連續飲咗6日, 達達甩毛情況非但無絲毫改善, 仲越嚟越差, 琴日見到兩隻後腳無晒毛毛, 見到晒粉紅色嘅大髀肉, 我好有挫敗感 :'(
聖誕節又快到,往年已經諗緊點去影聖誕相, 今年無晒mood同佢哋扮相, 達達豬唔只無毛, 仲苦口苦面, 唧都唔笑咁!
過咗一晚, 瞓醒又再抖起精神, 天無絕人之路!
琴日見到朋友A同佢傾過, 佢話如果食緊嘅補充品都無起息, 就比佢試吓鹿茸粉, 都係有行氣活血嘅作用, 比小量試吓都無防!
好! 一樣一樣慢慢試, 我唔可以灰心!!
可能我都係心急咗嘅, 但見到佢差嘅情況一日千里, 每日都無咗好多毛毛, 真係好驚!
琴日同A討論過會唔會係同達達絕育後, 改變咗荷爾蒙, 所以導至佢係咁甩毛?
不過依家再諗都無用, 亦唔應該後悔, 反正比我再做一次選擇, 我都會係咁做, 首要係保障咗健康先啦; 而且都係我哋估估吓, 當然呢個諗法亦唔係無可能, 但我就未睇過有數據支持呢個講法, 反而最多建議係甩毛就先去做絕育!
我記得叻叻甩毛時, 醫生話脫毛症多數都係仔仔, 女女機會相對係較少嘅, 點解機會率唔高, 都要比我再遇到????
雖然係心悒, 但都要面對, 算啦!
同達達豬試吓著條聖誕裙仔睇一睇, 同買番嚟嗰時好大分別喇, 無咗好多毛毛撐起條裙, 但勉強都算OK啦!
 |
| 今年少咗好多毛毛撐起條裙喇 :( |
年頭諗住大減價買定嘛, 真係無諗過會咁快又再甩毛, 仲要甩得咁慘, 唉!
都唔好辜負咗條靚裙仔啦, 等我諗諗點佈置場景, 都係影番少少過節相啦!
 |
| 年頭仲咁厚毛毛! |
 |
| 仲有無機會可以修復? |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
