呢兩日都多睇咗有關脫毛症嘅治療辦法, 無論亞洲, 歐洲美洲等, 遇到呢個症都會嘗試用Trilostane或Ketoconazole呢類藥物, 去催谷生長毛毛!
如果狗狗純係腎上腺分泌過多, 或者雄性激素分泌過盛的話, 都可以受到有效控制, 狗狗食藥後係有機會生番毛毛!
但用呢類藥物一定要密切監測肝臟指數, 換句話講就係會傷害肝臟; 為咗狗狗長番出一身豐厚毛毛, 而惘顧狗狗健康, 我真係想都唔駛想, 兼且所謂監測肝臟指數, 就逃唔開要密密抽血做化驗啦！
相信無幾多小動物上診所會唔緊張, 抽血都唔驚嘅; 如果為咗要生番毛毛呢個純外觀因素, 要加諸咁多壓力比狗狗, 就真係好唔應當!無錯作為一個主人, 一個媽媽, 眼見自己寶貝甩毛甩到不受控制, 真係好難接受; 唔係身處其中好難體會嗰種無助嘅感覺; 但為咗咁去做一D非必要嘅抽血, 我唔會咁無良!
所以我寧願不斷搵方法, 希望可以幫到忙; 我唔需要達達豬變到有幾靚幾靚, 但我都希望佢可以有番佢應有嘅模樣! 慶幸我遇到Hsiang醫生, 同我有相同理念, 我哋可以做一D安全嘅嘗試, 大前題係唔可以傷害到佢健康!
Hsiang醫生一開始就同我講, 佢唔讚成嘗試用嗰類藥物治療!
我會盡量搵方法去幫達達, 希望可以用一D天然補充品, 去加強佢自身免疫系統, 等佢身體強壯; 有朝一日佢毛毛可以有望再度生長!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
