 |
| 相片連結 |
呢幾日都無咩特別, 我最希望係咁啦, 平常安樂, no news is good news!
天氣漸漸熱喇, 豆b嘅反應最明顯, 早兩日同佢哋出去, 佢行咗一陣就氣喘, 我就知以後出去要改變時段; 其實我真係有D擔心豆b, 佢聞少日氣都唔掂; 每半年一次番去驗血, 我都特別請Dr. H為3隻豬小心聽診, 聽吓佢哋心肺功能係點; 我以前幾隻狗狗都有心臟病, 松松氣管天生狹窄, 年紀大時誘發心臟病都係常見, 近日煩煩因呢個病離開, 我仲更加驚; 等今次夠期番去驗血, 要Dr. H再幫佢哋check清楚D先!
近幾日出街, 都係同波波達達分開地段, 假日就比佢哋坐私家車喺平台兜兩轉!
波波較鍾意新地方, 唔會亂吠亂叫, 可能我幸運幾日來都只係有一次遇到隻史納莎, 但我夠時間帶波波轉身, 所以佢無失晒控制, 希望再未開發到新地點, 暫時就keep住咁做先, 起碼波波同我都可以將壓力減低啦!
達達豬都係行老地方較實際, 雖然都係馬路邊緣, 但嗰度較少大車行駛, 而且路面較闊, 我哋可以行埋一邊, 咁距離D車都算遠 :)
豆b就行邊度都無大問題, 反正佢都唔適合行太遠, 見佢一行到好慢, 我就要佢停低; 同3隻豬行街我從來都唔敢東張西望, 真係睇少一眼都唔可以!
有時同佢哋行街, 路人會行埋嚟, 話養呢種咁細嘅狗狗好好玩, 養極都好似BB, 然後問我養咁細嘅狗狗係咪好難打理!
老實講養幾大嘅狗狗都一樣, 主人嘅付出都係成正比, 大狗有大狗要付出, 例如佢哋需要大運動量, 要比好多跑步時間出嚟, 細狗有細狗要留心, 佢哋都比較脆弱, 總之無論大狗細狗, 要付出代價係必然!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
