 |
| 相片連結 |
帶波波去行街街真係要幾攰有幾攰!!!!
無遇到狗狗還好, 好似今日咁真係好難控制!
一開始都好好哋, 佢習慣性咁mark地盤, 無尿尿都要舉腳整色整水, 真係怕咗佢!
 |
| 行到彈彈吓，好開心！ |
我都一樣習慣性咁由得佢啦, 可能呢D係狗仔嘅天性, 唔可以硬唔比佢亂嚟!
佢就係咁彈彈跳跳咁跑嚟跑去, 工人姐姐話波波今日好開心喎, 見到小朋友都唔吠!
 |
| 如果....我夠時間將距離拉遠, 可能好D! |
本來都無事, 但佢突然停低, 好緊張咁向住我後面睇; 我即刻回頭, 就見到轉角處企咗隻金毛都係望住佢; 我即刻叫佢轉身, 想橫過對面, 但話口未完, 隻金毛已經走咗過嚟, 原來又係放繩狗!
 |
| 個距離令佢覺得受威脅，唔夠時間轉開！ |
波波完全唔聽我指令, 喺佢認為咁緊張嘅環境, 我諗佢全部精神都focus住隻金毛, 淨係識大聲咁吠, 又用盡全力咁撲; 金毛主人見咁就行過嚟幫金毛上番繩, 然後拖佢行開!
雖然係咁, 都將一切破壞晒; 任我好努力咁教, 即使無落街, 喺屋企我都同佢上繩拖佢行, 同佢練習聽我嘅command, 但一到實際環境, 原來都係無用, 好down!
 |
| 又吠乜鬼呀！ |
之後再拖佢行, 但完全變晒, 佢無端端見人都會又撲又吠, 即使唔係細佬仔; 我真係唔知點幫佢, 落街前有用花藥, 本來都相信見到狗及時轉身係work, 但原來兜嚟兜去又係零, 好氣餒!
阿女都同我講, 早兩日有兩隻放繩狗, 又高又大, 正正喺佢身邊行, 佢話咁大隻狗又無拖住, 佢都驚!
真係唔明點解有呢種人, 總唔顧及他人感覺, 自己唔驚狗就認為所有人都唔驚, 而事實上如果係驚, 細狗都一樣會驚, 何況咁大隻嘅放繩狗?
點解要咁自私呢? 呢個唔係適合放繩嘅地點, 好多嘢都因你嘅自私被破壞！
老實講以前我都好驚狗, 自己養咗pom pom 後就有所改變, 都唔會驚其他細狗喇, 但大狗我都仲係驚, 如果唔係為咗保護我嘅豬仔, 我邊有咁勇擋喺前面!
 |
| 達達會停低望吓，再行！ |
放番波波上車到達達行, 佢明顯係比以前有進步, 有尿尿, 見到其他狗狗都無嘢; 佢好專心咁行佢嘅路, 有狗狗過嚟佢會停低, 但無互動, 佢唔鍾意交朋友, 再行近佢就鬧鬼, 高竇豬! 但好難改變佢行路嘅姿勢, 都係頭耷耷緊緊張張!
 |
| 好嘅互動！ |
豆b真係最順人意, 見到狗狗有互動, 我再睇番今日影嘅相, 發覺佢同隻白色松松, 交流咗好多安定訊號!
性格係天生? 還是後天培養? 我諗兩者都有關系!
琴日睇番網站上嘅舊post, 想再睇吓煩b;又再睇番波波未番嚟我處, 見到嘅評語都係話家姐好大膽, 細佬好驚青!
波波究竟係咪見到狗狗有不安, 先大聲吠?
當然我唔可以推說佢天生細膽, 事實上行為都係後天做成, 我太保護佢喇!
豆b又係咪見慣大狗, 咩都唔驚? 佢一向都無有怕, 有好強自我保護能力, 都好硬頸!
達達就一如以往都係咁高竇, Y姐姐都同我講過, 當日佢喺寵物店, 其他狗狗撩佢玩, 佢都唔睬'人'～
所以同波波咁啱key; 喺埋一齊真係天意!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
