 |
| 相片連結 |
今日老公放假, 通常我哋都會喺附近飲早茶, 從來都唔敢離開3隻豬仔耐少少架, 唔放心嘛!
朋友話我近乎病態, 唔好話離開香港, 離開屋企耐少少都話唔得啦! 朋友無養狗狗, 當然唔明白; 即使有養狗狗, 都唔會每個人做法一樣啦, 但當毛小孩如珠如寶嘅, 為數都一定唔少 :)
況且我依家個工人姐姐, 真係”聰明”到唔講得笑, 我真係唔知佢身體搆造, 個腦係咪差咗少少, 我好怕佢又唔知攪D咩新鮮!
今日佢又做咗一件事令我非常氣結!
每日老公都要睇東方日報, 佢返工
每日睇完嘅舊報紙我會放入廁所, 放喺尿片下面, 狗狗屙唔正片片都
結果返嚟我問姐姐有無買報紙, 佢話買咗啦, 放咗入廁所喇! 我問佢點解唔放檯面, 拎番出嚟嘛, 點知佢已經用咗嚟墊喺尿片之下 :(
入去一睇, 仲要係
買錯當佢唔識中文字, 唔識分辨, 人哋比錯都有可能; 但一份新嘅報紙都未睇, 拎去墊喺尿片下, 我真係O晒嘴啦!
又唔係無晒舊報紙, 就算真係無都唔係買份報紙咁用卦?
我真係比佢激死, 老公仲笑哈哈, 佢笑緊同我講, 都話自己去買嘛; 今日係愚人節, 當佢同你玩吓啦!
無佢EQ咁高, 比佢哋激鬼死喇, 結果老公自己再出去買!
我問姐姐點解我要指定邊份報紙, 如果用嚟墊係尿片底, 落去拎份免費報紙都得啦, 使鬼寫張紙拎住去買咩!! 就算係免費報紙, 都要睇咗先嘛, 有咩理由會咁做架?
上次買完餸叫佢放落雪櫃, 佢就放咗落垃圾桶, 今次又咁, 唯一解釋係佢無心裝載, 根本無心機做, 點講都無用啦!
佢都知衰咗喇, 還好暫時錯咗都識講sorry, 都未去到黑面咁差, 又唔係好大件事, 唉, 算喇!
不過我更家唔敢放低3隻豬去街啦!
依家agent fee 又加到咁貴, 工人質素又咁差, 咩都唔識做, 揀僱主, 駁口駁舌, 都唔知點解請個正常工人咁難!
今日公眾假期, 都預咗出面多人多狗, 但天氣咁好, 雖然都頗大風, 但咁嘅天氣算近日少見喇, 一定要出去啦; 最多揀個午飯時間, 希望其他人食緊飯未出動啦!
不過假期都係比平日多狗狗, 唯有左避右避, 避唔到就由得波波吠, 無辦法喇!
達達同波波都係食咗花藥先出去, 花藥明顯係幫到達達！ 隻女行得好好, 好開心; 見到其他狗狗都無表露膽怯, 只要保持距離, 唔行埋佢身邊, 佢無所謂; 有途人想同佢影相, 佢仲好合作, 只要唔好行太近, 佢識望住鏡頭添 :)
豆b兩次出去都無得行, 今日想比佢行耐少少, 不過隻豬女行咗一陣就唔行, 佢好懶!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
