 |
| 相片連結 |
今日都有雨, 琴日只係同波波去咗街, 今日真係好想同兩隻女出去行; 等呀等, 終於停咗雨喇, 自己連午飯都唔食, 叫姐姐快快出發!
 |
| 姐姐推住兩個女行前，我拖住波波行佢後面！ |
今日波波狀態麻麻, 唔知乜事, 行吓停吓又坐低, 仲成日喺同一個地方兜兜轉,唔肯行前; 我蹲低身去安撫佢, 然後就跟住佢行, 佢想點行都由得佢啦!
佢一直喺無人嘅地方走嚟走去, 前面有人嘅地方就唔肯行, 有人經過又吠, 點解呢?
我諗嚟諗去都搵唔到答案, 我真係記唔起有無人比佢有過唔好嘅印像, 令佢有唔好嘅聯想??
 |
| 發生咩事呢？神情咁警戒！ |
跟住到達達行, 佢真係越嚟越叻女 :)
每次達達行街都會吸引途人嘅注視, 街坊朋友都會圍埋嚟對佢指指點點, 逗吓佢讚佢靚女, 哈哈真係令我飄飄然; 不過我無忘記同大家提點, 又再講解黃絲帶運動, 請佢哋比達達一個適當嘅空間; 達達真係進步明顯, 唔踏到佢嘅底線, 佢平靜合作, 仲眼仔碌碌望住各人添 :)
今日都有喺出面尿尿, 佢對去街嘅恐懼明顯減少!
 |
| 眼仔碌碌望住途人, 一D都無緊張 |
跟住輪到豆b, 呢隻豬真係隨時可以比人拐咗去, 任何途人過嚟同佢玩吓, 佢就想跟住人行; 幾隻豬嘅性格分歧真係好大!
同豆b行咗兩圈, 又見一隻放繩大狗, 我見咁巨大, 就彎身抱起豆b想放落車先再行; 說時遲那時快, 隻大狗已經衝到我好埋 @.@ , 無拖繩嘅狗狗走得真係速度好快, 好彩豆b唔係波波唔會吠, 如果唔係佢撲高我一定嚇死, 不過咁都嚇到我冷汗標晒 :(
 |
| 同隻臭豆傾兩句，咁就跟住人哋行 :( |
行咗都唔係好耐又落雨, 太陽伯伯咁鍾意玩捉迷藏, 匿埋咁耐都唔出嚟架! 每次出去都乘興而來, 敗興而返, 咁嘅天氣出一出去我好多嘢做架!
條街濕立立, 每次番去我要同佢哋用蘋果醋抹身一次, 跟住檢查; 要好留意手腳趾罅, 跟住逐少毛毛一路梳一路睇, 最後仲要用手摸住去感覺吓, 深怕肉眼有走漏, 手指感覺比較敏感, 真係要好小心架!
3隻豬真係用上唔少時間檢查, 但只係行咗一陣, 唔好咁同我玩啦 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
