 |
| 相片連結 |
今日天氣好好, 有風有陽光, 又同3隻豬出去行街街, 但想打響之前嘅如意算盤就好難!
阿女話我明知故犯, 明知平台係唔比狗行, 但我就知法犯法, 仲公開猛講, 好似養狗大晒; 佢話偶然一、兩次落去影吓相就無所謂, 但日日落去比波波跑, 實在違規, 如果比人投訴就醜死鬼, 一定係自己理虧, 叫我唔好制!
咁又係! 人真係自私, 為咗自己方便就唔理違例, 我真係比自私蒙閉, 點解我有口話人無口話自己? 任我做得再好, 違例就係違例!
既然係咁, 唯有再諗計仔, 揾吓有無新地點比波波行; 希望換咗地方, 佢會放鬆晒; 再然後就選擇不同時段出去, 觀察吓有無邊個時間對佢係最啱!
今日嘗試去另一條街, 其實呢條路我以前都有行過, 但因為路面較窄, 如果狹路相逢遇到狗狗仲慘, 唯一希望係落去嘅時間揀得啱啦!
網友G話我成日為咗揾地方同佢哋行而惆悵, 咁又真係 :)
出門前3隻豬都用花藥, 唔想佢哋互相有壞影響!
呢個地點似乎適合波波, 可能呢度無遇過放繩狗, 佢無咁緊張行吓停吓兩頭望, 我唔覺佢有做過安定動作, 不過見到一個小朋友, 都係猛吠, 正衰仔!
達達本來都行得唔錯, 開始個頭仔無沓得咁低, 無奈呢條馬路好多大車, 一剎停果吓就嚇到達達魂飛魄散; 睇嚟呢度並唔適合達達, 唯有行呢度嘅時候等佢坐車仔, 等佢習慣聽吓呢D聲嚮, 又唔會嚇到佢即時坐低啦!
豆b就行邊度都無所謂, 同佢行咗一陣就返歸, 喺返屋企前帶達達行番舊路減吓壓, 一於決定以後波波同達達分開兩條路嚟行!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
