 |
| 相片連結 |
都知天氣唔好, 隨時會落雨, 要同雨姐姐兢步; 佢哋食完午餐, 一切都準備好, 正想出門將窗關好, 就見到雨姐姐已經嚟到; 無辦法啦, 唯有留低望天打卦, 希望雨快D停啦!
多謝雨姐姐眷顧, 無幾耐就停咗雨喇, 趕忙GO GO GO!
今日係週末, 我唔想帶波波出街喇, 都係留喺平台跑一陣間啦; 落過雨有好有唔好, 好處係一定少咗細佬哥出嚟玩, 比3隻豬走動嘅機會較高; 唔好處係地下濕立立. 好似好污糟, 不過我同以前都有好大改變, 再唔會因為咁唔比佢哋落地, 最多花加倍清潔時間, 番去同佢哋由頭到腳仔細抹一餐!
3隻豬跑完一輪同佢哋落去買零食, 我早幾日網上見到呢款零食都好想買喇, 今日買咗Grandma Lucy嘅深海魚比3隻豬, 呢個品牌嘅魚魚好靚好脆, 仲有Dear Deer嘅鹿肉鹿心同鹿肺, 嘩! 開大餐喇:D
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
