 |
| 相片連結 |
琴日午飯時間, 見到無落雨, 急忙帶佢哋出去玩, 之前都係比咗花藥波波同達達!
但今次我無出街, 只係帶佢哋落平台跑, 唔想再出去令波波壓力逼爆; 為咗做一個好媽媽, 被逼要做一個違規嘅住客, 真係汗顏!
但我有做足準備, 鋪好尿片, 即使屙出咗界, 我都叫工人姐姐沖水, 再用尿片吸番; 希望唔會影嚮地方清潔, 無人投訴, 就咁側側膊合埋一隻眼 ;)
 |
| 地下濕都照跑! |
開始波波都有緊張, 但我呢兩日都有同佢做召喚練習, 我陪佢一齊跑, 仲帶定小食不停咁比, 好ok呀!
佢越嚟越放鬆, 因為無見到狗狗又無同佢哋上繩, 佢慢慢放鬆晒; 回程推住車仔出街, 想比佢再習慣, 但唔放佢哋行, 今日喺平台不停咁跑, 運動量夠晒!
原來係撞啱放學時間, 好多小朋友喺街上跑, 仲好嘈吵; 波波表情即刻變晒, 佢好緊張, 碌到對眼好大!
我又出動小食, 慢慢誘導佢過咗難關, 雖然佢有緊張, 但佢控制到無吠; 破壞好容易, 做番好就超難, 今日有呢個成績, 我好滿足喇!
今日達達真係叻到不得了, 喺平台上跑得好快, 好唔簡單; 豆b如常咁跟住跑, 有小食獎勵, 佢唔再懶 :)
今日係好relax嘅一日, 只要無突然嘅驚嚇, 佢哋都好乖 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
