今日煲呢個湯,功能補益脾胃,養陰生津,美顏潤膚.
咽乾口渴,皮膚粗糙嘅人士都有益處. 3隻豬都適合飲用, 仲可以食埋D雞肉, 佢哋實開心啦 :)
材料:
老椰子: 要買有埋椰衣包住嗰種先好味架! 椰子營養豐富，可解渴祛暑、生津利尿、主治熱病，其果肉有益氣、祛風、驅毒、潤顏的功效。椰子含有醣類、脂肪、蛋白質、維生素B族、維生素C及微量元素鉀、鎂等，能夠有效地補充身體的營養成分，提高機體的抗病能力，擴充血容量等。
鮮雞: 去皮嘅雞肉不但含脂肪量低，且所含的脂肪多為不飽和脂肪酸，係理想嘅高蛋白質食品。其亦含鈣，磷，鐵，以及維生素B1、B2、A、C、E、菸酸等, 係非常有益嘅食材。
雪耳: 又名銀耳，白木耳。係野生於石上既膠質菌， 佢有活血清熱， 潤肺滋陰， 強心補腦功能。雪耳不僅係著名既營養品，仲對多種腫瘤有抑製作用，係癌症患者既保健食品。清熱降火，滋補脾胃。 雪耳係一種含粗纖維的減肥食品。 營養價值亦好高，包含有蛋白質、脂肪、碳水化合物、鈣、磷、鐵等。
瘦肉: 提供優質蛋白質和必需的脂肪酸, 提供血紅素, 促進鐵的吸收, 能改善缺鐵性貧血。
椰子記住留起椰子水放番入湯內,咁好味好多,
雞去皮洗淨斬件同瘦肉都要出水, 將材料放入煲內,雪耳先浸軟, 後來先加落湯, 煲太耐雪耳太稔, D湯又會糊晒, 我覺得唔好飲, 唔介意嘅都可以一齊落埋! 加生薑兩片, 三粒毋花果, 煲 2個鐘就ok喇.
