同達達豬積極"水療" 效果唔錯, 浸咗兩次帶氧微泡浴後, 佢脚仔好番好多喇, 我個心都安定咗!
照咁睇達達情況應該唔係太壞卦, 我同佢浸浴做吓按摩, 佢都好咗咁多, 帶氧微泡浴有增強佢血液循環嘅效果, 咁做針灸治療應該更加唔錯, 我諗.....專科醫生都唔會叫開呢刀囉, 自我安慰先啦, 仲有幾日先見專科, 都要等日子容易D過嘛!
呢條片比3日前好咗好多, 佢見到工人姐姐拎個吸塵機經過, 好勞氣啊 😌!
A比咗一D"艾灸盒敷"嘅資料我, 其實之前Mi都有同我提起過, 當時我又唔瞭解嗰 D係咩嚟, 未做過功課啦, 又驚太熱燒傷達達, 唔係好敢試喎!
同一件事timing真係好重要, 咁啱A再同我提起嘅時候, 我已經做過功課啦 :)
先喺網上得知有狗狗做過, 再其次search到原來我準備帶達達去做針灸呢位醫師都會應用喺狗狗身上, 咁我就無擔心啦, 一於請A幫我買咗佢, 等我帶達達去針灸嗰時, 請醫生教吓我！
好朋友真係唔話得, A仲搵晒資料同埋圖片明確指出狗狗穴位, 咁用時候就有信心好多喇!
希望有多D渠道去幫達達, 等佢早沾勿藥!
咁啱就係咁啱, 跟住接到van媽嘅電話, 都有提起呢個喎; 佢教咗我一D機本功啦, 例如要點先唔會灼傷狗狗, 每次大概做幾耐時間.....
松松呢個品種都係腳仔多多事喇, 我哋都係環繞住呢個topic傾吓啦, 多謝van媽嘅資料, 仲要多謝你留意同關心達達!
我真係孤陋寡聞, 乜原來呢個療法咁hit㗎, 唔接觸呢個病患我唔知添 :p
好啦咁既然可以幫到達達, 咁快D買喇買喇！
唔可以忘記多謝Mi, 雖然相識唔深, 但機緣巧合因為狗狗志同道合, 因佢喺港島工作, 佢話如果去針灸我需要人陪, 要人帶路, 就比佢一個call~~
去針灸我ok嘅, 好多謝你撐我！
 |
| 乜原來呢樣嘢效用咁大㗎？ |
寵物嘗試艾灸 http://blog.39.net/shanguimin/a_12747120.html
狗狗的骨質增生, 我也能給他治了http://www.19lou.com/forum-52-thread-39912835-1-1.html
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
