 |
| 相片連結 |
琴晚深夜同Mi傾咗個長“程"電話, 原先諗住交待幾句, 點知一傾就講咗好耐, 好長氣啊 :)
傾談間佢叫我放鬆D, 一日到晚攪到自己咁忙所為何事? 佢話邊有人養狗狗養到好似我 :P
佢話佢自己都已經好緊張狗狗, 佢嘅朋友都有問使唔使咁啊; 但相比起我, 簡直拋離100倍囉, 佢話人家睇咗我個blog真係唔敢養狗狗囉!
佢叫我要從新rescheduled我一日嘅作息時間, 起碼要比自己食番餐安樂飯, 唔好再縱壞晒3隻豬, 又要餵湯又要餵水有無攪錯!
OK今日就同阿女去咗星巴克歎杯咖啡, 再去咗一個新開嘅商場行吓 :)
今日係2013年除夕, 都要做個檢討, 可能我真係做多咗; 不過...我今日唔餵佢哋飲水, 去完街街番嚟佢哋都唔肯自己去飲喎; 用眼尾瞄住3隻臭豬, 真係過咗幾個鐘都唔去飲啖水, 我服輸喇, 死死氣又去餵囉!
依家天氣咁乾唔飲水點得喎!
今日陽光好好, 喺2013年嘅最後一日要從新整頓, 要帶3隻豬出去行吓晒吓太陽光!
可能太耐無出去, 波波有D緊張, 呢個仔咁"蛇呱“我都預咗囉; 豆b一如以往, 只鍾意出街唔鍾意行, 如果無零食佢都懶得理我!
原本都只諗住比佢行5分鐘, 但見佢下盤篩得頗厲害, 2分鐘左右已經無力又腳仔震晒 :'(
即刻抱番佢上車, 個心好痛; 可能針灸只可以幫到佢恢復神經反應呢一樣!
下面條片都見到佢行得唔太正常, 個pat pat搖得好緊要 :(
西醫話現階段無嘢可做, 未去到手術治療, (我根本從無考慮要做手術啦 ) 只建議用針灸去幫！
針灸又唔係可以全都妥當, 幫到一樣又幫唔到另一樣, 呢個情況我要再搵定另類治療喇!多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
