真係越忙越見鬼, 自己牙齒又有問題, 聽日要去見牙醫, 真係似晒個仔, 兩母子都咁弊!
我嘅問題應該係輕而易舉可以解決, 唔使擔心麻醉嘛, 係煩在來回往返花時間, 我係掛住個仔啦!
我覺得波波...真係有問題!
今日見佢行得比往常慢, 仲行吓又坐低, 一見有呢個反應就弊翳; 好驚真係神經受損, 唔理乾等出大問題, 都係要搵醫生再睇睇!
今次想搵有呢方面經驗嘅醫生, 因為唔想用傷害大嘅治療, 如果真係有問題我屬意用針灸穴位!
但波波唔同達達, 達達雖然刁蠻, 最多尖叫幾聲, 比佢惡完就會定落嚟, 針灸係無問題!
但波波....難攪啊!
波波比較緊張, 會反抗, 太強硬又驚嚇親個仔; 問咗好多朋友介紹獸醫, 首先當然要有耐性有醫德啦, 仲要肯細心檢查, 最好有埋針灸, 就唔使分開幾處去, 省咗要faxed資料來來往往咁麻煩!
終於選定獸醫, 呢個醫生好多人讚, 最好係佢仲識動物傳心術, 希望呢樣都會幫到波波無咁緊張啦; 希望埋單數字唔會太驚人就好喇 :p
不過如果安全幫到波波, 唔使個仔咁唔舒服, 呢D錢我願意使!
係booking前我有先同醫生構通, 傳過短訊簡略講述波波狀況, 難得我未係佢客仔, 佢都有回覆, 佢話會詳細檢查吓神經方面有無出問題, 等見面再檢查牙仔!
整理好波波嘅病歷, 滿懷希望, 準備又見新醫生喇!
 |
| 波波近來唔肯用呢邊身瞓, 但做艾炙佢肯配合, 見佢舒服到遞高脚仔, 好開心! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
