 |
| 相片連結 |
波波食咗兩日耳水不平衡藥, 情況仍然一樣, 都係側住個身:'(
望住個心肝寶貝全無好轉, 我真係傷心, 有極重無助感, 點解咁難搵出原因?
要我當無事係咁等, 真係折磨人, 波波一日搵唔到原因, 每日咁側住個身, 我就會一直唔安心!
無可能去麻醉同佢做磁力共振, 麻醉嘅風險我極度擔心, 萬一佢撐唔過呢關, 只係因為搵個原因, 而唔係必要嘅治療, 因咁而無咗條命.....我唔敢往下諗!
即使佢可以逃過麻醉呢關, 但帶來嘅後遺症亦無從估計, 都唔係無聽過狗狗經歷麻醉藥後, 又抽筋又唔識行; 如果因為一個檢查, 而令波波傷害咁大, 我會強烈自責!
當然老公同阿女都唔同意, 現階段搵嘢嚟攪, 即係要我眼睜睜每日見住個仔側住個身生活, 我好肉赤啊!
琴日Dr. F有短訊問波波狀況, 多謝佢唔怕我煩, 但目前除咗等佢自動好番, 治療係無方向去揀!
3個醫生不同判症, 我希望有一個撞得啱啦, 起碼唔係大件事嘛!
呢段期間, 都唔係全無值得開心嘅事, 臨近4月, 達達嘅毛髪真係有復甦跡象, 首先嘅感覺係觸手滑番!
每日同達達噴神奇水, 按摩梳毛, 好容易睇到個變化, 近日明顯見到佢毛髪較光滑, 之前如乾草嘅旱毛已經無晒; 然後續漸見到毛色轉變, 白色嘅毛唔再暗啞, 變得好雪白, 黑毛亦漸漸退去, 依家只剩頸嘅週圍較差, 個身就唔覺有黑毛喇; 當然毛量仲未恢服正常狀態, 但如果無意外的話, 睇目前嘅變化, 係應該可以如過往一様, 毛毛可以重生!
今次達達甩毛並唔嚴重, 只係毛質變差同毛髮較疏落, 同往年比較, 係好好喇; 可能㣲泡浴同順勢藥真係有幫助啦!
原夲係一個大喜訊, 但因為波波, 我嘅開心打晒折扣啦!
 |
| 毛質毛色都轉好喇! |
老功公又攞咗假, 上星期放假碰啱天氣差, 原本諗住同3隻豬出去行吓, 點知落到樓下見到落雨, 只好隨便轉個round, 就返上屋企喇!
老公怕咗我一個人越諗越差, 唔想我屈喺屋裡面攪到氣壓降下, 攪到3隻豬仔以為世界末日嘛, 佢叫我放寬心唔一定係大件事啦!
佢話又唔係唔理唔醫, 但目前情況又唔係好差, 無其他徵狀醫生都係估估吓, 不如等佢哋開開心心出去玩吓!
依家嘅形勢我都明白, 我盡量講服自己, 比波波有自我康復嘅空間 !
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
