知道真正原因就好辦啦, 我再用順勢療法, 好彩我"藥庫"嘅存貨都有D啱 :)
難得Dr.Fan都認為無傷害, 覺得有幫助就用啦, 佢話另類療法一向都具爭議性, 但佢有open mind :)
再聽從醫生吩咐勤力D同佢照紅外線, 一日3次再加1次熱敷, 仲用埋有山金車成份嘅sore no more gelotion同佢按摩, 希望佢會復原得更快!
呢兩日其實見到改變唔太大, 佢企同行都仲係側向佢嘅左邊, 係坐就比較正中啦; 不過我都唔心急, 亦急唔嚟, 都明白要比多D時間!
已經好耐無見波波壓住右邊瞓覺, 佢係將一切重心傾晒向左邊, 右邊痛嘛; 今日傍晚見佢瞓覺時竟然壓住右邊, 我以為係我眼花 @@
雖然大部份時間佢都仍偏向壓住左邊, 但起碼會主動轉換吓, 都算係有少少進步啦 :D
 |
| 雖然大部份時間仍壓向左邊, 但都有轉換吓方向喇 :) |
依家更忙喇, 3隻豬都做多咗物理治療, 年紀開始大, 遇到潮濕天氣我會打醒精神做好保養喇!
天氣乾燥又話對氣管唔好, 松松天生氣管差, 又要放濕開噴霧; 天氣潮濕, 今次我領教到個弊處, 以後我識做喇!
 |
| 乖乖照紅外線啦 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
