 |
| 相片連結 |
今日一開FB, 就睇到一段壞消息, 台灣有隻狗狗, 送美容店沖涼, 咁就無咗條命!!!
時有聽聞送狗狗出去沖涼, 受虐打至爆眼, 週身損傷, 朋友間都試過有狗狗受傷, 絕唔係無中生有誣衊呢個行業; 沖個涼受到虐待, 從高處跌下骨折, 因而喪命, 都唔係新聞; 仲有用拖帶綁狗狗喺美容檯, 自己就行開, 以為安全, 誰知狗狗跣脚跌落嚟, 唔上唔落變成吊頸, 咁就無命; 呢個事例發生喺我朋友身上, 多年前佢隻八哥就咁離開咗佢!
實在聽過太多太多呢D消息, 要送狗狗出外美容真係好驚, 以前我都會帶狗狗出外沖涼, 養5寶時我都係送出美容店, 咁多隻自己嚟攪真係攰得要命; 但我一定唔會離開, 全程監察, 一企整日務求心安!
真係唔明點解有呢類人, 咁無愛心何必搵自己笨, 硬要投身呢個行業呢?
主人唔愛錫狗狗就唔會送去美容, 點解唔可以比D耐心? 我都明白狗狗唔合作會令人好"掹", 每次整理豆b都激到我震 :p
但都唔可以心存怨恨, 將不滿發洩落狗狗身上, 要虐待佢只代表你無能!
真心希望呢類悲劇唔好再發生, 無耐心去做何必害人? 因為外出美容而失去狗狗真係痛心, 請體諒吓主人, 比出多D愛心啦!
如果可以, 希望大家嘗試自己做呢個親子活動, 咁就最放心!
聽日我又進行呢個親子活動喇, 查過天氣預測聽日最暖和, 有21度, 咁仲唔開動 :)
聽日輪到豆b要沖, 都拖咗好耐, 天氣轉涼唔敢莽動嘛; 本來波波都要一齊, 無奈個仔啱啱又唔舒服, 要押後再押後, 一切小心為上計!
至於達達都要浸浴喇, 睇睇自己體力是否可逮, 無謂逼自己, 依家會量力而為, 一個一個嚟好喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
一波未平, 今日又睇見一單, 台灣呢隻狗狗傷頭, 幾日後又嚟一次, 今次剪傷狗狗條脷仔, 好慘啊!仲要香港都有, 狗狗被打到後腳唔識行, 天呀! 發生咩事???
 |
| 花錢去美容 到底在搞什麼, 我們家可愛的kiki, 花錢去寵物美容竟然被弄傷成這樣！ 真的非常惡劣! 新莊 - 阿呆in店 請大家多轉發 |
