 |
| 相片連結 |
美好嘅一日, 好忙, 但充實, 好開心!
琴日同波波睇咗醫生, 安樂晒, 雖然甩牙仔唔係一件開心事, 但呢個係不可逆轉嘅事實, 無得攪!
我自問照顧佢哋嘅牙仔唔合格, 真係好難, 口又細牙又細點刷, 佢哋又唔係咁順攤, 任我攪:(
醫生話小型狗係難D㗎, 好大比例到咁嘅年紀都會甩牙, 波波都8歲有多先開始差, 唔算極壞, 況且體質係會影響牙石增生; 唉, 醫生客氣喇!
放低驚咗咁耐嘅一宗心事, 心情好晒, 3隻豬仔對我真係影響力好大, 好心情配合今日嘅好天氣, 同3隻豬仔去街街!!
今日老公放假, 可以行遠少少, 避開最多人放狗嘅熱點, 咁波波就relaxed晒 :)
 |
| 出發!! |
3隻豬最鍾意去街係達達, 好開心兩頭望, 今日有放佢哋落地行!
因為太耐無行街, 一吓間要運動驚肌肉勞損, 我只比佢哋行一陣間, 今日有陽光, 曬吓太陽唔錯啊!
 |
| 行得好開心喎! |
可能我心情靚, 去嘅地方又無狗, 我唔緊張; 兼且有老公同佢哋一齊行, 今日有嘅係正能量, 3隻豬都好開心, 咁我當然心情暢快!
 |
| 番歸喇! |
行完街番嚟, 時間仲早, 實行親子活動, 同3隻豬浸微泡浴喇!
心情好份外唔同, 一次過同3隻豬沖涼都唔覺攰, 當然有老公幫吓手吹毛更事倍功半啦!
忙完一輪剛好夠鐘開晚餐, 3隻豬仔食完好滿足瞓覺!
做咗運動心情好, 兩姐弟有興趣一齊玩 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
