 |
| 相片連結 |
都唔知點湊好呢3隻豬?
琴晚達達嘔咗一次, 見佢嘔完好攰去瞓覺, 心諗等佢休息吓就無事, 狗狗嘔一次半次唔係好大問題, 好小意思嗟; 但係見達達反來覆去, 瞓到成日轉換位置, 我就知佢極唔舒服, 我D擔心病又開始 :(
達達唔同波波, 一向瞓覺唔會咁, 已經夜深, 總係夜晚先出事, 咁我點敢瞓?
一路觀察住達達, 見佢漸漸可以熟睡, 我放心D喇, 佢瞓咗一個鐘左右, 又開始吖吖咁叫, 要去尿尿喇; 見佢精神番, 稍微安心, 可以去瞓覺!
呢3隻豬到底咩事, 要同我咁玩? 近來總係排住隊搵麻煩, 好彩嘅係A/B/C, 一個接一個有事, 唔好彩就A+B, 千萬唔好A+B+C呀, 真係吊頸都要透氣啦!
波波今日都無大改變, 仍係有側住身行, 但當我同佢用gelotion按摩嗰時, 就發覺佢應該仲有痛啊; 當我按佢右面身體, Dr.F話佢痛嘅位置, 佢會縮起手, 但我試吓按佢另一邊, 佢手無縮㗎; 希望呢個係佢側身嘅真正原因, 又或者係隻鬆咗嘅牙仔影響啦, 起碼唔係有危險, 咁情況只係要比D時間!
今日朋友Mi會帶埋佢嘅愛犬過嚟, 拎順勢藥比我呀, 好彩有佢幫忙訂藥, 要我自己從澳洲訂就死啦, 又多樣煩!
本來約會係午間, 我同3隻豬講咗會去街, 但後來改為傍晚, 呢3隻豬無耐性啊!
佢哋真係明白我嘅說話? 但我肯定佢哋聽得懂"去街", 所以3隻豬成日兩頭騰嘈住晒!
真係無可能叫佢哋等到傍晚, 唯有先同佢哋出去遊吓花園, 夜D我再出去啦!
傍晚再出去, 祇係帶豆b, 怕咗波波見其他狗狗吠到嘈晒, Mi話佢嘅狗狗好似達達, 都係公主咁啦, 唔like同狗狗玩, 我唔想波波大大聲吠嚇親佢啊!
達達都係高竇"貓", 費事貼錯門神咁, 向左走向右走啦, 帶親善大使豆b, 一定無錯喇!
真係世事無絕對, 親善大使要除銜, 從來未見過豆b反應咁反常㗎!
連Mi都跌眼鏡, 都有D擔心佢有唔舒服, 咁不尋常要睇住吓喇! 唉, 3隻豬真係攪咩呀? 攞命!
 |
| 呢兩位小姐嘅表情要點比comment? |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
