 |
| 見佢係咁側住個身好唔安樂, 究竟係乜事! |
波波側住個身已經3個星期, 睇咗兩個醫生,聽日會睇第3次!
第1次睇Yeh醫生, 認為係牙仔問題, 開咗一星期消炎藥, 佢話比時間甩咗隻牙就無事!
食咗一星期消炎藥, 以為波波會好D, 應該會習慣嗰隻鬆咗嘅牙齒, 但睇到嘅情況係無好過, 又要再去睇第二次!
第二次睇Dr. Fan, 佢話牙仔影響個身側住機會好微, 鬆咗嘅牙仔唔應該咁大件事, 經佢小心按壓檢查, 認為導至佢側身嘅來源, 係右邊手臂位置; 按落去時波波有震, 佢應該係有痛所以就住; 呢個推理似乎OK, 事實我都見波波係震住(其實佢係痛? 係驚? 我不得而知, 但我肯定波波見醫生係唔願意)
經商討下暫時唔用西藥, 怕咗波波個肝酵素又颷高, Dr. Fan叫我做多D熱敷同紅外線照射, 睇睇幫唔幫到佢!
一連5日用順勢藥+熱敷照紅外線, 但好似完全無意義, 已經過咗兩星期, 波波個身都係側住; send message請教Dr. Fan, 最後決定用番西藥止痛試試!
雖然我唔想用西藥, 但平衡輕重, 唔通由得個仔痛, 一直側住個身咩, 好, 我用!
用咗3日止痛藥, 都無好, 同20日前係原地踏步, 個身都係咁側住 :(
雖然無見到其他明顯病徵, 但過咗咁耐點解絲毫無好, 又真係令人擔心啦!
Hsiang醫生從台灣回港喇, 想帶波波比佢睇吓, 但每次想book佢都好難, 除咗驗血好耐之前就book定, 其他問題要搵佢睇真係等到急壞, 今次最快都要等到星期6嘅夜晚9點啊 :(
原先諗住佢睇咗波波咁耐, 熟知佢病歷嘛, 但佢真係越嚟越忙喇!
但Hsiang醫生都覺得牙仔鬆唔會影響咁大, 淨係聽我嘅描述, 建議我去太平道診所睇吓!
搵唔到原因好煩, 多過一個原因又好慘, 究竟邊個先啱?
多謝太平道診所比個快檔期, 聽日下午可以先去睇Guo醫生喇, 睇睇聽日Guo醫生嘅診斷又係點啦, 三星期跑三間診所, 又要擔驚受怕, 真係死好多細胞!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
