驚恐病 (w/album)

相片連結

波波仍然係身體輕微偏側, 我真係驚; 雖然睇過醫生話係牙齒問題，但牙齒真係有咁大影響?　
佢唔單係坐同企有偏側, 連瞓覺都只瞓一面, 我點會唔驚?

開始上網搵料, 當然越搵越驚, 好驚有前庭病變!

A話我最叻就係將最差嘅applied喺自己身上, 攞嚟驚係我強項; 唉! 係攞嚟驚就好啦!

但除咗見佢有輕微偏側, 我真係搵唔到有任何異狀, 食得瞓得大小便正常; 一樣有興趣跑跑跳跳, 精神爽利靈活非常!
如果前庭出問題,  佢仲有能力心情乘騎達達? 會有咁輕鬆嘅樣???
一定係我多餘擔心, 係我有驚恐病 :p
萬望係牙齒影響啦,  等甩咗隻牙就回復正常; 唯有再觀察住, 變差就再搵醫生幫忙!

呢幾日天氣潮濕非常, 見到佢哋嘅毛毛亂七八糟真係好唔舒服, 琴日的起心肝操刀, 剪少少都好; 可能心神不定多嘢想, 新較剪又鋒利, 揩咗一吓就噴血!
唉! 仲要做家務㗎, 唯有成日戴住手套啦!
話3隻豬對我影響唔大都係講大話啦, 養狗狗養到我咁真係淒涼 ;)多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！