今日嘅親子活動要擱置, 因為要帶波波見醫師!
波波呢個仔真係多事, 近日我發覺佢姿勢有D變異, 站立同坐低都稍微偏側, 但步行就較正常, 活動自如, 所以我再觀察住!
量過體溫在正常範圍, 大小二便正常, 胃口都無事, 亦唔覺佢身體有疼痛, 佢行動靈活, 仲可以跳嚟跳去; 亦無以前有痛症時嘅反應, 無尖叫, 向佢伸手抱抱無縮無後退, 反應OK!
 |
| 個身側住 |
但總係覺得佢同平時有唔同, 側側身係邊處出事? 我呢3隻豬總係有病徵不明嘅例子, 成日都搵唔到佢哋咁係乜意思, 究竟係乜事?
觀察咗幾日都唔覺有咩變異, 但仍有唔正常姿勢, 我都已經努力幫佢照燈艾炙, 但見無好無壞仍在穩定狀態, 我擔心唔理會變壞, 都係要見吓醫生, 等醫生比意見我參考!
 | |
|
同醫生嘅約會在傍晚, 夲來可以同2個女浸浴, 但我無心情啦, 未見醫生個心都係放唔低, 浸浴要押後喇!
到咗約定時間見Yeh醫生喇, 簡單交代波波嘅情況啦, 佢牙仔有舊牙石鬆鬆吓, 唔知會唔會佢唔舒服就住吓; 亦有見佢挍耳甩頭, 但我檢查耳仔係無事㗎, 可能裏面我睇唔到啦, 表面証據就係咁多, 由醫生判斷喇!
醫生檢查咗波波反射神經正常, 按壓無痛嘅徵狀, 我心定D喇, 最怕中風椎間盤有事嗰D嘛; 跟住睇耳仔, 無事, 再睇牙仔, 原來又係牙仔問題!
之前我一直以為佢係牙石鬆咗跌落嚟, 因為我仲見到有白色牙齒, 點知跌落嚟嘅原來係牙齒, 白色嘅係牙腳, 係我烏龍攪複雜咗個問題!
佢應該有牙仔痛, 所以個身側住, 下意識就住; 挍耳甩頭只因佢唔舒服, 唔知點表達意思; 醫生話要剝就要麻醉, 最起碼都要打鎮靜劑, 目前就唔好攪住, 食D藥消炎止痛, 希望佢唔痛, 就比時間佢自己甩落嚟; 我決定每日都幫佢搖吓, 希望搖鬆隻牙仔啦!
然後我有講波波之前乾嘔, 有嘔痰, 醫生再聽氣管心肺, 一切OK!
唉, 又食消炎藥, 又要再排毒喇 :(
湊大一隻狗狗真係唔容易啊, 要小心, 留心, 關心, 仲要儲備一筆醫療診金.....
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
