達達真係曳, 佢一定當咗自己係人仔, 坐要坐梳化, 瞓要上大床同我哋一齊!
比佢坐吓梳化真係無所謂, 就當比時間老公同佢培養親子關係, 反正佢哋兩個都鍾意排排咁坐喺一齊, 但晚上瞓覺都要上我床瞓埋一齊, 我就唔係咁like啦!
| |
|
主要都係怕瞓著唔小心整傷佢哋嘛, 唔止係擔心自己, 仲要擔心埋老公一齊, 萬一佢一脚踢過嚟, 嗰D無情力真係可以踢死D豬仔!
每次兩隻豬一齊上咗嚟, 我都要確保將佢哋同老公隔開, 咁大責任我仲點瞓覺?
我都明白養成呢個壞習慣係我哋所為, 實在唔怪得兩隻豬仔, 日間比佢哋上大床係無問題, 佢同波波上咗大床會熟睡好多, 咁咪由得佢哋囉; 但問題係 - 波波會明白夜間要瞓番自己床仔, 從來無嘈過!
但呢隻達達衰豬仔超曳, 琴晚又嘈住要上嚟, 吖吖聲嘈到我發火, 我本來想唔鬼理佢, 任佢吖到天光, 但夜深人靜, 萬一嘈到比鄰居投訴就弊傢伙!
 |
| 佢都係唔like㗎, 吖吖咁叫! |
唯有死死氣抱佢上床, 無得唔認輸囉, 但我同佢講今晚比你鬥嬴, 但從今以後日間都無得再上嚟!
波波一見達達上我床就行開嚟, 但我硬實心腸唔敢再回望, 但個心好赤!
要再抱埋波波上床我真係又唔使瞓喎, 咁真係無命, 依家名乎其實每日都要做阿四, 再唔夠瞓真係會死囉!
今日一於嚴格執行, 全部唔准上大床, 任波波過嚟用手猛扒我, 示意要上床喎, 呢個係慣常嘅動作, 但我都唔望; 任達達係咁吖吖大叫, 我都做咗聾耳陳噃!
不過其實我好不忍, 個心好痛囉:(
 |
| 波波好無辜, 唔開心啦! |
 |
| 豆b一向自得其樂 :) |
好似豆b咁咪無事囉, 佢從來無習慣要上大床, 無呢種渴求, 瞓自己嘅床仔瞓得好安樂!
睇嚟我真係忙到傻咗, 剛剛老公話元宵節我哋食湯圓囉, 原來今日已經係初十五, 咁3隻豬祝大家甜蜜美滿, 元宵節快樂!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
