第三日, 我同豆b一齊以順勢療法迎戰!
澳洲順勢療師都慨嘆小小一隻狗狗, 要用咁多款療劑好可憐!
豆b常規嘅療劑係唔可以少, 心臟同氣管藥要每日用一次, 好慶幸尚可保得住呼吸方面!
老天爺都見豆b可憐卦, 幫手保住豆b頸椎脊椎, 如果再有問題我都唔知點算, 依家已經由朝忙到晚餵藥, 要全天候服侍!
仲有波波同達達, 亦唔可以忽視, 我唔想再出現A+B+C!
所以話我都係打緊仗, 日日都忙到死!
 |
| 波波照紅外線 |
好感動於澳洲嘅順勢療師, 十分關心豆 b, 傳來關心嘅email; 寥寥數語但滿滿人情味, 提醒我要點餵藥, 如果無胃口, 15分鐘前試用抗胃酸劑; Mi話睇到個email, 字𥚃行間感受到係好care對twins; 我希望豆b都會爭氣, 唔好辜負咁多人嘅厚愛, 為佢付出咗咁多心機!
 |
| 滴完療劑照住會吸收好D |
豆b精神狀況係有好轉, 但胃口就上上落落, 琴晚見佢肯自己行埋個糧兜進食, 我開心到死, 不過今朝又令我洩晒氣!
每日都有轉換食物去試佢嘅口味, 又試打糊仔又試切幼細, 但佢都係唔like, 唯一係見到BC整嘅餅餅, 先會變返隻為食豬仔出嚟!
現階段只要佢肯食, 我就有求必應喇, 見佢體重變輕少少我都擔心到死, 反正都要比澱粉質佢, 而cottage cheese份量我都有限制住, 咁每日2-3塊餅餅都OK!
今後就要做BC嘅長期客仔喇, 當然無可能長期受人恩惠, 我一定要佢收費啦😉
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
聲明
**我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用。原意只想分享我用過嘅產品, 經驗，我養狗狗嘅心路歷程。希望比各主人作個參考咁啫.
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅情形; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
