心情真係好低落, 但大家都叫我要保持正能量, 亦要往好處去想; 朋友分析比我聽, 兩個醫生睇法兩樣, 第一次有血檢數據, 都有Xray支持, 如果情況咁差無可能睇唔到一絲誅絲馬跡; 第二次多咗超聲波backup, 醫生都只係話個肝size細咗, 係估計應該係肝硬化!
腎就一定係有事喇, 尿蛋白咁差, 但crea正常希望係早期嘛!
朋友話每個醫生斷症都會有偏差, 希望第二次睇嘅醫生係佢講得誇, 事實未必咁差啦, 所以再睇第3個醫生, 攞多D意見最穩當喇!
我當然希望豆b情況唔係咁差啦, 但亦明白有report數據支持, 係無可能無事嘛, 只希望係有方法去醫治, 就咁被判死刑點接受呀?
豆b仍然唔肯自己食正餐, 每餐都要抱住餵, 我感覺佢胃口係唔好嘅, 但都有部份原因係嗲我啦; 無所謂, 只要佢肯食就好, 我餵係無問題!
今日同佢磅重, 有1.625kg, 回升到未出事前嘅磅數喇, 可能加咗白米飯, 仲肥咗少少啦; 醫生話要比熱量佢, 目前白米飯較合適喇; 我有按過佢肚仔, 唔似有大量腹水先會重卦!
豆b食咗我手頭上有嘅順勢療劑, 明顯精神好咗, 早兩日行到搖搖擺擺, 全身無晒力; 今日突然比我一個驚喜, 竟然同波波玩起上嚟, 仲好大力撞到波波咳晒 :)
我即刻拎起手機影低, 開心到手都震埋!
Ka同Mi都同樣話睇豆b咁精靈, 直覺佢係無咁嚴重, 叫我先放鬆, 等睇埋第3個醫生, 可能從另一個角度, 斷症有唔同!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
