 |
| 相片連結 |
Dr. Hsiang已回港幾日喇, 因為打算見埋Dr. Li先, 未有即時將豆b情況話佢知; 我3隻豬算係由細跟佢跟到大, 今次豆b咁大件事, 我覺得要比佢瞭解, 亦想聽聽佢意見!
琴日將豆b病況話咗佢聽, 亦send咗超聲波圖片同 驗尿報告, 我問以佢嘅睇法, 豆b情況係咪已經去到咁壞?
唉, 真係滴汗啦; 每一次show之前所做過嘅資料影像比醫生, 從無例外, 一定聽到呢句說話, ＂圖像照得唔清楚, 憑呢D影像難判斷＂!
唔通每見一個醫生, 就要將豆b番來覆去, 從新又照又驗?
不過佢聽到話驗尿有高protein, 比重亦差, 再對比張矇矇嘅腎臟圖片, 佢話豆b嘅腎臟結構係不正常喇; 當然解識咗一大段腎臟角色嘅扮演, 但知道呢D又可以點?
我只想知道仲有無方法去幫忙豆b, 我當然明白器官壞咗係不能逆轉啦!
講咗一大篇, 聽到我暈吓暈吓, 結論都係嗰句, 腎衰竭係無咩可做喇; 試吓從飲食著手, 食吓supplement啦!
至於肝嘅問題, 佢話唔會從另一個醫生做嘅超音波影像去判斷, 因為照嘅角度, 機種都有好大關連; 豆b一向肝酵素都正常, 理論上無慢性發炎, 去到肝硬化咁嚴重....
Dr. Hsiang話既然豆b未見到肝病嘅徵召, 就觀察住先, 有待未來發展再算!
3個獸醫, 4次判斷, 令我更加混亂, 幾個朋友都叫我唔好再睇醫生, 唔好再問意見, 睇咗講嘅都不大建設 :(
一於用順勢療法, 睇睇效果係點啦; 明白病況係不能逆轉, 但都希望拖慢衰退嘅速度, 保住生活質素為先!
兜兜又轉轉, 唔再東張西望, 一於focus喺順勢療法, 再加補腎嘅supplement先!
Mi一直emailed澳洲, 一直跟進; 豆b嘅bioscan仍在進行, 咁詳細嘅分析令我多咗信心; 我哋從來無問費用若干,只希望幫到豆b就進行啦; 希望唔會係天文數字, 唔會比個費用嚇親!
上次Dr. Hsiang開比豆b嘅supplement, 問過順勢嘅醫生, 佢哋叫繼續服用;上網睇過其他用家嘅feedback, 話效果良好, 令我信心增添!
多謝Ka於百忙中, 即日急急為我從英國訂購呢隻supplement, 我呢3隻豬仔真攞命, 食嘅用嘅要買到去山長水遠 :'(
好幸運豆b仍算遇到好多貴人, 種種幫忙遍佈各層面; 從協助於各地訂購所須物料品, 付上寶貴精神時間, 又有貴人無條件送贈保健用品, 愛心homemade零食, 仲唔肯收番錢; 我感謝之餘, 欠嘅人情就更深更遠喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
