 |
| 相片連結 |
最近個blog充滿負能量, 豆b有病, 真係好傷!
豆b仍然唔想食嘢, 望都唔望佢最愛嘅餅餅 :'(
琴日Mi嘅一句說話, 好似當頭棒喝, "未見過早期腎病狗會唔食嘢", 我先開始回想, 會唔會係牙齦發炎, 口痛呢?
最近太focus喺佢嘅腎病, 一大堆藥攪到我暈頭轉向, 對咁簡單嘅判斷竟然會忽略, 今日開始加埋牙齦炎藥, 希望click中個point啦!
希望真係咁簡單啦, 再複雜嘅我唔敢想, 亦唔想再去想!
行到呢步自問我都開始洩氣, 無晒能量, 除咗見步行步, 我唔再往更壞處去想喇!
豆b好叻, 到咗晚上, 我嘗試再比餅餅, 佢肯食喇, 食得好快好開心, 急不及待 :)
本來諗住唔使再請BC整餅餅, 依家要趕快喇, 今次要求加上無鹽牛油, 等豆b多D熱量, 應該會更香啦!
踏入春季, 達達嘅毛囊好似瞓醒喇, 今日摸佢嘅毛毛感覺厚咗D, 應該如過往嘅pattern一樣, 到夏季會生返厚同長; 總算有件positive嘅事, 於一潭死水中注入少少正能量!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
