其實點忙都無問題, 但最怕心理負荷咁大, 豆b唔肯食我真係怕!
今日連最愛嘅餅餅都吐返出嚟 , 我都唔知點算喇, 要點做佢先會開胃返?
Mi話佢未見過咁早期嘅腎病狗胃口會咁差, 到唔肯食呢個時段都好晚期喇, 但豆b又唔似係晚期, 佢話豆b個樣仲咁精靈, 攪咩呀?
Mi叫我比佢食木瓜, 味度濃D佢會鍾意卦, 我又再搵搵資料啦, 要清楚佢食唔食得嘛; 我自問都盡責, 唔會單聽人講吓好嘅就比佢哋食, 但咁小心又點吖, 無啦啦都會攪到腎衰竭, 太諷刺喇!
木瓜營養分析1. 健脾消食：木瓜中的木瓜蛋白酶，可將脂肪分解為脂肪酸；現代醫學發現，木瓜中含有一種酵素，能消化蛋白質，有利於人體對食物進行消化和吸收，故有健脾消食之功。2. 抗疫殺蟲 ：番木瓜鹼和木瓜蛋白酶具有抗結核桿菌及寄生蟲如絛蟲、蛔蟲、鞭蟲、阿米巴原蟲等作用，故可用於殺蟲抗癆。3. 通乳抗癌 ：木瓜中的凝乳酶有通乳作用，番木瓜鹼具有抗淋巴性白血病之功，故可用於通乳及治療淋巴性白血病（血癌）。4. 補充營養，提高抗病能力 ：木瓜中含有大量水分、碳水化合物、蛋白質、脂肪、多種維生素及多種人體必需的氨基酸，可有效補充人體的養分，增強機體的抗病能力。5. 抗痙攣 ：木瓜果肉中含有的番木瓜鹼具有緩解痙攣疼痛的作用，對腓腸肌痙攣有明顯的治療作用。
自己無讀過寵物營養, 何況仲要係病狗嘅餐單, 我真係無把握; Ka話不如搵寵物營養師啦, 請佢為豆b設計餐單, 就唔使估估吓, 壓力無咁大!
我覺得都係一個辦法, 自己煩少樣, 食物控制都關係好大嘛!
即刻聯絡寵物營養師, 都好快收到佢回覆, 可惜佢嘅答案令我好失望啦, 佢話無做 Private Nutrition Consultation 好耐喇!
其實點配合營養現階段都放埋一邊喇, 最緊要佢肯食返, 日日打糊硬餵落口好慘, 唔enjoy食物點會吸收得好? 食咗都唔會肥嘛!
每日餵佢都好似打仗, 真係好攰, 精神上嘅攰, 更甚於肉體千百倍啊!
 |
| 睇見佢個樣咁抗拒, 都知唔肯食啦! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
