琴日收到順勢療劑, 梗係立刻比豆b同波波用啦, 西藥已經無咩可以幫到, 我所有希望都寄託喺順勢療法喇!
未用過呢種療劑, 未接觸過順勢療法, 你可能覺得呢樣嘢好神化, 即使去google乜嘢係順勢療法, 都可能係一知半解, 甚致睇完都整理唔到一個確實嘅解答!
自問唔係一個拜神婆, 亦無信仰任何宗教, 但我相信宇宙之大, 有無限可能啦; 我唔會質疑任何人嘅信仰, 因為佢本人先最清楚佢所領受嘅力量有幾大, 同樣世界上有所謂能量治療, 都係有好多人見到功效, 一切一切, 都要睇夾、唔夾!
我只睇效果, 唔理用嘅係乜嘢療法, 當然大前題係要考慮唔傷身體啦; 見到有功效又幫到忙嘅, 就係好方法！
兩隻豬琴日都開始用腎病配方, 波波其實問題唔大, 所以用嘅次數相對豆b係較少, 亦由於佢無任何病徵, 我見唔到有好大分別, 只感覺佢尿尿次數無咁密啦！
相反豆b就差別好大, 用咗幾次療劑就見到佢精神返, 本來成日喺床仔瞓覺, 琴日又會行嚟行去喇!
不過呢隻豬都係唔肯自己進食, 除咗餅餅搶住食, 正餐都係要hand feed啦!
 |
| 眼仔係有神返嘅 |
今日, 幫佢梳毛時感覺佢毛毛有變滑, 其實之前我都感覺點解毛質又好似暗啞咗, 明明食咗心臟療劑已經靚返, 點解又衰過㗎? 原來係腎有事啦!
所以見到毛孩毛質差咗, 唔好凈諗住用護毛果D, 都要留心吓內裡有無其他原因啊！
希望唔會希望越大失望越大, 更希望豆b嘅好轉唔係我幻覺啦, 不過咁耐以來, 用咗順勢療劑比我好多肯定嘅支持, 週邊嘅朋友狗狗亦有好多正面嘅引証, 我唔應該再有懷疑喇!
食一星期後驗尿睇睇, 希望見到有少少實質嘅証據啦！
just go on, do it and believe in it!
 |
| 精神方面係好咗嘅， 身體方面就有待prove喇！ |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
