每日嘅心情都如同過山車一樣, 隨住豆b嘅情況時好時壞而上落, 好有無助感!
琴日明顯見到有大進步, 今日又有軟便symptom; 除咗照顧豆b, 仲要打理其餘兩隻豬仔, 怕咗佢哋會覺得我偏心啦; 仲有日常家務, 工人姐姐只做咗兩個月, 都仍需要每事問!
多咗豆b呢個case, 就好似一下子太多嘢衝向我, 其實我已經好感恩, 呢個姐姐幫咗我好大部份, 佢算係一個好好嘅工人!
但真係太多太多嘢好煩心, 自己覺得好難集中精神, 今日都要食幾粒stress balance, 有需要定一定心神!
豆b情況當然係令我擔心, Mi已經猛幫我emailed去澳洲問診, 最後決定用一個medical advice ticket, 因為可以附上attachments; 咁可以將豆b一切相關report都send 過去, 會更詳細清楚無遺漏; 之前Mi有為佢狗狗買咗呢D ticket, 佢話送咗比豆b用啦!
開始艱辛嘅大大大project, 因為呢種medical advice , 要求好詳細嘅資料, 由最基本嘅狗種歲數, 到食用, 藥物, 打過嘅針, 過去病症....都要列表, 仲要講明幾時開始等等; 我係咁翻record,真係搵到靈魂出竅, 費盡心神!
之後就要講依家嘅symptom, 香港嘅醫生點斷症? 每個細節都要問!
真難為Mi, 出錢出力幫我, 要將我比嘅資料集中整理, 佢話攪完一大餐都見頭暈!
都難以用言語表達我嘅感謝, 凡此種種幫助, 我永記在心!
多謝Ka留意好多另類資料, 比我更多信心; 宇宙咁大, 除咗正統嘅西藥治療, 當然仲有無限可能!
聽晚Mi同Ka會陪我帶豆b見第三個醫生, 希望有新方向, 會遇見幸運之神啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
