豆b都係無胃口, 正餐唔餵就唔食, 以前一開餐心急到嘔泡嘅豬豆, 同依家對比極鮮明 :(
琴日見到豆b肯食餅餅, 厚住面皮請BC為我急急做, 餅餅已經成為豆b正餐嘅重要部份, 腎病所須嘅蛋白同澱粉質, 都要靠呢度吸收; 而最主要嘅, 係唯一呢個時間, 我先會見到豆b食得咁開心!
多謝BC佢用嘅靚靚材料, 令我餵得好放心, 仲詳細比咗用料清單, 等我可以計算每日嘅攝取量, 就唔會餵得過份!
今日新鮮做起我即刻去拎, 柔軟度比之前更甚, 可能加咗無鹽牛油, 就更加香軟可口!
拎到返嚟即刻比3隻豬仔聞聞, 波波達達表現得最開心, 兩頭走兩頭跳好心急; 豆b嘛, 都係表現冷淡, 但不致於走頭咁啦!
開始撕開細細粒, 一試過就搶住咁食到唔肯停口啦, 加咗牛油真係香氣誘人!
見到3隻豬都食得好滋味, 猶其係豆b, 見到佢都食得咁開心, 我竟然睇到眼濕濕; 一件咁平常嘅事, 原來係得來不易!
真係要珍惜每一日, 珍惜相聚相守嘅緣份!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
