 |
| 鼻仔都濕晒 |
真係比3隻豬玩死, 真係要A+B+C, 我唔係千手觀音點頂得住!
今日嘅主角換咗達達豬 :(
兩個女都有鼻敏感, 成日打乞嚏, 之前豆b係乞嚏公主, 今次就讓咗個位出嚟 ; 近來豆b嘅乞嚏無打得咁密, 偶然先聽到一次半次!
反而呢隻達達豬, 一打乞嚏就比佢嚇死!
上次有紀錄可以一日狂打30個乞嚏, 嚇到我要搵Dr. Yeh, 被診斷為牙仔引起嘅問題, 隻牙仔已經甩咗, 佢都已經無晒事, 我以為乞嚏公主嘅稱號, 可以成為歷史, 點知今次又嚟!
我諗今次係天氣問題, 每次由房出廳都會引發佢嘅乞嚏, 雖然我有mon住室溫, 但都無可能做到 100%perfect, 偶有失誤佢就係咁狂打乞嚏!
達達嘅乞嚏恐怖過豆b, 係可以好長時間打唔停!
每次佢打乞嚏打到個頭猛fing, 我除咗扶住佢頸仔作保護, 就只有眼睜睜望住, 等佢打到自己停; 見佢咁辛苦又幫唔到忙, 真係好肉赤好難頂!
我已經比佢聞氣, 再小心D唔比溫差引起佢乞嚏, 但有時百密一疏都會保唔住:(
今日見佢猛力咁打, 打到鼻仔都噴血, 同以前豆b相同模式, 應該係傷咗鼻黏膜啦!
上次有帶豆b見醫生, 要食抗生素, 今次我用順勢療法嘅消炎藥, 希望天下太平啦!
2個女體質咁敏感, 敵唔過些微環境變化, 我要地氈式搜尋吓, 睇睇有無呢類順勢療劑看門口喇!
 |
| 要困住波波, 佢唔LIKE呀 ;) |
豆b暫時情況都穩定, 精神唔差, 但都係要每餐hand feed, 我開始覺得佢係心理病喇; 有懷疑過佢係oral ulcer, 但點解食餅餅可以食得咁快?
老公話佢想獨霸媽媽, 抱住佢餵食我只會focus住佢嘛!
唔知真定假, 但我梗係希望佢唔係身體有事啦, 餵佢食嘢有咩所謂吖!
我每日都會反開佢眼仔, 睇睇眼白有無黃, 肝硬化指標之一, 係無嘅; 反開佢牙肉望過, 無之前顏色咁淡, 已經紅返; 毛質變返有彈性, 精神好咗, 一切眼見嘅都有好轉!
等多幾日會驗吓尿尿, 睇睇尿蛋白有無改善, 如果有實証一切好轉, 遲吓再去驗血!
我相信, 今次一定都有click中, 順勢療法會幫到豆b!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
