儘管今次我選擇用順勢療法去幫豆b, 收到好多唔同意見, 有朋友並唔同意, 言語間會打沉我啦; 但幸運嘅係得到家人支持, 佢哋相信我唔會比條黑路豆b行, 我做嘅一切一定係為佢好而出發; 況且, 我都無更好嘅選擇, 我根本無得揀!
仲要再多謝Mi嘅幫忙, 因為我好麻煩, 我時不時會擔心, 比豆b服用嘅藥份量係咪啱, 因為今次有草本療劑, 我唔敢大意, 豆b實在體重太輕喇!
我一次又一次要佢幫我emailed 順勢醫師, 問個明白, 好多謝佢不厭其煩, 二話不說立刻去辦, 仲鼓勵我唔好咁 down :)
更多謝澳洲嘅順勢療師, 都一次又一次咁耐心解答, 除咗有問必答, 亦送上鼓勵, 佢哋真係好有人情味, 我好感動呀!
雖然有時會聽到某D意見令我好down, 但慶幸我仲有好多好朋友撐, 多謝大家嘅鼓勵, 但最大嘅鼓勵, 係來自豆b, 今日佢笑呀!
已經好耐無見豆b嘅笑容喇, 應該係佢感覺舒服咗, 佢話比我知, "媽媽, 你做得啱"!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
