 |
| 眼仔睩睩嘅豆豆 |
頹喪咗一輪, 係時候收拾心情面對現實, 焦慮心急無補於事, 就算見到豆b情況每況愈下, 都要預咗會係咁喇!
一個不可逆轉嘅慢性病, 點會好返? 積極D睇睇有咩食材, 可以令佢有返胃口, 有咩食物啱佢食啦!
 |
| 精神係唔錯 |
日日望住個mon, 睇到眼都就嚟盲, 要搵樣適合嘅食材唔易辦!
豆b氣管唔好, 一直都有食鱷魚肉, 依家要睇過成份啱唔啱啦; 見到蛋白質唔算特別高, 以為可以繼續用, 點知一睇Vit A咁高, 根本唔敢用; 有搵到低磷低蛋白嘅, 又見到其他維他命太高, 都唔知點先啱, 真係顧得東來西又作反, 要調較適合嘅飲食好艱難!
豆b除咗鍾意食餅餅, 咩都要手餵, 其實餵又有咩困難? 只係餵到埋口佢都唔like, 合埋口左搖右擺, 攪到每次D毛毛都污糟邋遢; 每次都要洗洗刷刷, 唔係我嫌麻煩, 係怕太騷擾佢咋!
 |
| 都瞓得好好 |
真係唔知要點先令佢胃口開返, 食物又唔可以任佢自己揀, 又要顧及磷鈣比例, 仲有蛋白限制; 又驚熱量唔夠, 點去平衡真係攪到我頭都大埋, 仲要身體力行落手落脚照顧3隻豬仔, 又要臨急抱佛脚鑽研營養, 我都想知我能量究竟有幾大, 可以點去撐?
 |
| 仍要照燈做保養 |
多謝V, send 比我呢張相, 但願我可以咁叻叻 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
