 |
| 兩隻豬都不在狀態 |
今日好凍, 連狗狗都感覺到, 三隻豬仔都搵咗佢哋自己認為溫暖嘅地方停留!
我個心就十五十六, 都唔知同唔同兩隻豬仔出去散步好, 一路拖到中午, 見到都有陽光, 就趕快同工人姐姐一齊帶佢哋出去喇, 豆b仲食緊藥, 抵抗力會差D, 佢唔好出去喇!
落咗樓都真係幾凍, 好彩有陽光! 今日行咗一個鐘, 一隻狗狗都無遇到, 而兩隻豬仔都不在狀態!
達達好緊張, 同昨日分別好大; 波波都好似喺戒備狀態, 行幾步停一停, 唔通天氣轉變都會對佢哋有影嚮? 天氣預測話明日更凍, 咁明日都係休息一天好喇!
番屋企比佢哋食完嘢, 飲咗湯, 佢哋就自己去床仔度瞓覺喇!
原來佢哋同我都一樣, 天氣凍都只想窩喺被竇, 做個大懶虫:)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
