 |
| 同豆b換件暖D嘅裙仔啦, 不過再凍D都唔知點算喇! |
豆b停咗藥又猛打乞嗤, 雖然今次無上次咁嚴重, 但見佢咁辛苦, 個心總係唔舒服, 都係問問T醫生意見, 帶佢番去睇多次啦; 接通咗電話, 同T醫生講番豆b嘅情況, 我話想再覆診多次, 再拎D藥比佢食啦, 點知T醫生話上次佢情況唔係太嚴重, 食咗咁多日藥感染情況應該控制到喇, 佢打乞嗤可能都係敏感問題, 叫我喺環境管理方面著手, 同佢保暖, 唔好沖涼喇; 佢話唔想用藥去壓制, 如果見到情況真係再嚴重, 不受控制先帶佢番去睇啦!
好慶幸遇到Dr.T同Dr.H, 佢哋都係有良心, 有醫德嘅醫生, 佢哋真係會為狗狗著想; 唔會不問情由就叫你覆診; 咁等我再睇定D先, 希望豆b快D無事啦! 雖然鼻敏感唔係嚴重嘅病, 但真係頗困擾嘅!
今日都係如常帶兩隻豬仔去行街街, 波波真係好情緒化, 見我同達達行出門口, 都仲走入床仔唔出嚟, 呢個仔我真係要寫個服字, 都唔知又有邊度唔合佢心意喇!
今日同佢哋去咗昨日行過嘅新地方, 希望隻仔會開心D, 但發覺呢條路並唔寬敞, 無原來嘅路咁好行, 如果迎面有狗行嚟, 避無可避! 我用零食引開波波注意, 都只限於狗哋係平靜路過, 如果對方又係激動型, 咁就一定失敗; 所以呢條路我現階段都唔再選擇喇!
帶番佢哋去老地方, 達達就放鬆好多, 遇到隻成日都見嘅貴婦, 我都係比零食轉移波波注意, 但今次唔成功, 佢連零食都無興趣, 對住狗狗跳嚟跳去喺度吠, 我感覺佢係想一齊玩; 我嘗試比佢哋互相聞吓啦, 點知竟然激嬲咗達達!
從來無見過達達喺街上有反應嘅, 佢一直都緊緊張張, 顧住行都唔理得咁多啦, 點知今日見到波波同隻貴婦撲嚟撲去, 佢竟然嬲到又掀嘴又吠; 都唔知應該係開心隻女終於都有D反應, 咁都算係一個進步啦, 還是要擔心佢會唔會再叻女D, 又好似波波咁難控制!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
