boxing day 日記 (w/album)

相片連結

今日boxing day, 爸爸放假, 咁就帶埋豆b去散步啦, 佢都好耐無出去喇; 同工人姐姐一齊出去, 一人照顧一隻, 應該都ok嘅! 今日睇嚟都唔係太凍, 不過我哋呢頭都比較大風, 諗住覺得凍就等佢哋做袋鼠bb, 將佢哋收入自己件褸入面啦!
真係要多謝朋友A幫我買咗咁靚又保暖嘅披風比三隻豬仔, 佢哋三個著住同款衫仔, 真係好得意, 好多途人都過嚟逗佢哋; 今日無陽光, 如果唔著衫都係稍覺凍嘅!


一路行都好順利, 豆b好開心, 達達又行得快咗好多喇, 爸爸簡直唔相信佢有咁大進步; 係隻豬仔波, 耐唔中會耍脾氣!

今日見到好多狗狗, 波波有時都會吠同撲, 佢唔係對每一隻狗狗都會有咁嘅反應, 我都唔明佢諗乜, 有時佢顧住吠連零食都唔接, 又有時唔食零食都好平靜唔吠; 三隻豬仔當中, 拖佢真係比較吃力!

係街上來回行咗幾轉, 同佢哋上咗平台, 坐一陣飲水食少少嘢,就番屋企喇; 2011年嘅聖誕就係咁過咗lu

ps. 加番幾張翌日同佢哋散步影嘅相先, 因為幫兩隻豬女著咗條半截燈芯絨靚裙仔呀:)

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！