天氣明顯轉涼, 落到樓下覺得好大風, 豆b同達達都有少少鼻水, 我唔希望佢哋由鼻敏感變咗冷傷風, 都係暫停一日去街街好D喇!
今日只帶波波出去, 波波今日好乖, 無行吓停吓, 最令我開心, 就係今日又遇到隻白威, 佢完全無撲無吠!
因為朋友話要把握時機, 睇準機會比signal, 太遲去糾正係無用嘅; 因為當佢開始咗吠, 我叫佢停, 喺咁激動嘅狀態下, 佢唔會聽我嘅指令, 仲有成日話佢唔啱, 都比佢有挫敗感, 佢會唔開心!
今日當我見隻白威喺遠處迎面行緊嚟, 我就比signal波波, 係佢未開口吠, 我比小食佢, 轉移佢想吠嘅情緒, 果然work呀; 波波明顯望到狗狗嘅, 但佢無吠, 對方主人話波波好叻仔, 開心死我, 我諗波波都較開心, 因為無比我成日話佢錯, 今日好有成就感, 哈哈!
我同佢來回幾次喺白威身邊經過, 重覆比signal波波, 跟住小食, 乖仔真係無吠, 好平靜; 白威主人仲心急過我, 叫我拖波波埋去, 比佢哋近距離接觸; 但我唔想! 我唔希望破壞個仔咁靚嘅情緒, 等佢練習多幾日先啦!
至於達達豬, 今日雖然無出去, 但都無偷懶呀; 我同佢上繩後喺屋企練習, 不過可能磚地較滑, 佢表現好差, 完全無信心去行; 相信呢個係唔容易克服嘅, 要用上較耐時間喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
