 |
| Christmas 2011 (2) 相片連結 |
除咗喺屋企佈置吓同幾隻豬仔影D聖誕相, 每年都仲會出去攞景, 今年都唔例外!
本來同狗狗影相就唔係一件容易嘅事, 所以都一路拖住, 不過再拖就會遇上學校假期開始, 會多咗小朋友出入, 咁就難上加難, 所以都係要出動喇!
同佢哋影相, 要睇佢哋心情, 又要睇當日合作與否; 再者仲有外面環境因素影晌, 加上又有途人圍觀, 更有人賞面要影埋一份, 所以越嚟越覺得難於控制場面!
近來因為常常帶豬仔散步, 好多時都會同D街坊傾談兩句, 佢哋見到狗狗都好感興趣, 會問吓佢哋一D日常生活情況; 我都唔記得有幾多個人問過, 更加唔認得佢哋嘅樣; 今日, 喺影相期間, 竟然聽到有街坊解畫, 同其他人講豬仔嘅生活習慣, 邊隻最怕醜, 又邊隻最鍾意搶鏡, 感覺好特別; 又有人會知我住邊個屋苑, 原來三隻豬仔都頗出名喎, 因為佢哋話終於見到傳說中好得意嗰三隻松松, 知佢哋喺邊個屋苑出入嘅!
呢幾隻得意豬仔, 今日狀態各異, 兩隻豬女還可以, 波波就無乜表情喇; 無所謂啦, 狗狗本來就唔會鍾意影相嘛!
因為今日要影相, 唔出去行行喇, 所以帶埋豆B出去, 坐喺車仔上面就應該唔會凍親嘅; 明日要帶波波達達散步喇, 希望都唔會太凍啦; 豆B都係未可以落地行, 佢要絕對保暖, 唔可以吸入冷空氣架!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
