 |
| 戴好名牌，準備去街街！ 相片連結 |
今日一早同3隻豬仔出去, 希望唔會見到咁多狗狗啦, 但結果係希望落空, 星期日遇到狗狗真係無可避免, 雖然出去前我都餵咗波波花藥在先, 但見到咁多放繩嘅狗狗, 我真係好難控制到佢唔撲唔吠!
幸好見到嘅都係一班熟口面, 而放繩嘅都係細狗, 我就無咁怯!
班狗友見到波波喺車仔上亂撲亂跳, 都叫我放佢落去, 等佢哋熟落少少, 我又驚波波會咬狗哋, 又驚佢自己受傷; 不過所有狗主都完全唔介意, 一路鼓勵我放佢落嚟!
OK, 咁我就放佢落地, 結果波波吠完一陣, 反而定咗落嚟, 但大家都覺得佢要同其他狗哋保持一個適當距離, 如果佢主動行埋狗狗身邊係ok嘅, 因為佢作好準備, 但如果其他狗狗跑過嚟搵佢, 咁突然嘅話佢一定吠!
狗主們話我拖住繩, 對佢有束縛, 佢見到全部狗哋都放繩, 難免緊張, 佢會擔心一但受攻擊, 被拖住無力反抗, 叫我放繩比佢跑吓無相干; 但我最最抗拒呢樣喇, 外面就係車來車往嘅馬路喇, 雖然有欄杆擋一擋, 但波波咁細身, 根本好容易穿過去, 我死都唔會放繩架, 根本呢度唔係一個放繩嘅適當地方!
如果波波吠真係呢個原因, 我都無辦法幫佢忙!
跟住放達達, 都遇到好多狗狗, 但達達反而一D都無驚慌, 佢只差一DD勇氣, 如果再加多少少自信, 佢完全無問題！
豆b係social公主, 完全可以同陌生人同狗狗打成一片, 佢似乎最受歡迎, 任何人同佢表示友好佢都受落, 不過世界係唔公平嘅, 因為即使達達咁高竇, 唔比人摸, 會兇人, 但都係得到最多嘅讚美聲！
 |
| 芝仔嘅主人叫我唔駛驚，比佢哋行近，比佢哋玩吓！ |
 |
| 今次我都覺得佢地無惡意，係想一齊玩！ |
 |
| 原來波波呢個係"邀玩"嘅訊號! |
 |
| 波波可以好平靜面對芝仔！ |
 |
| 鬧狗哋喇！ |
 |
| 到豆b落地, 都多咗好多狗狗喇! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
